Posted: 07/03/2012 12:48 PM IST

లండన్ ఒలింపిక్స్‌కు వెళ్లే భారత బృందంలో పతకాల కోసం ఎవరెవరు తీవ్రంగా పోరాడతారో చెప్పలేకపోయినా, జాతీయ పతాకాన్ని పట్టుకొని ముందు నడిచే అవకాశం కోసం చాలా మంది పోటీపడుతున్నారు. ఒలింపిక్ కాంస్య పతక విజేత, రెజ్లర్ సుశీల్ కుమార్ పేరు ఈ విషయంలో ప్రముఖంగా వినిపిస్తున్నది. ఒలింపిక్స్‌లో భారత బృందానికి అతనే జాతీయ పతకాన్ని పట్టుకొని మార్గదర్శకం చేసే అవకాశాలున్నాయని సమాచారం. అయితే, బీజింగ్ ఒలింపిక్స్ స్వర్ణ పతక విజేత, షూటర్ అభినవ్ బింద్రా, కాంస్య పతకాన్ని సాధించిన బాక్సర్ విజేందర్ సింగ్, వెటరన్ టెన్నిస్ ఆటగాడు లియాండర్ పేస్ తదితరుల పేర్లను కూడా భారత ఒలింపిక్ సంఘం పరిశీలిస్తున్నట్టు తెలుస్తోంది. ఈ విషయంలో త్వరలోనే ఒక నిర్ణయం తీసుకోనున్నారు.