Posted: 07/13/2012 01:14 PM IST

తెలంగాణ రాష్ట్ర సాధన కోసం ఆఖరి ప్రయత్నంగా ఈనెల 16న రౌండ్ టేబుల్ సమావేశం నిర్వహిస్తున్నామని ఆంధ్రప్రదేశ్ స్వాతంత్య్ర సమరయోధుల కోర్‌కమిటీ చైర్మన్, మాజీమంత్రి ఆచార్య కొండా లక్ష్మణ్ బాపూజీ తెలిపారు. ఆ సమావేశానికి హాజరుకావాలని విజయవాడ ఎంపీ లగడపాటి రాజగోపాల్‌ను ఆహ్వానించారు. తెలంగాణ కోసం పోరాడుతున్న సంఘాలు, ప్రజాసంస్థలతో పాటు సమైక్యాంధ్రను కోరుకునేవారినీ బహిరంగంగా పిలిచారు. ప్రజాపోరాటంతోనే తెలంగాణ రావాలన్నారు. మహబూబ్‌నగర్, పరకాల ఎన్నికల తర్వాత తెలంగాణపై కేంద్రం ధోరణిలో మార్పు వచ్చిందన్నారు. రాష్ట్రపతి ఎన్నికల తర్వాత ప్రత్యేకరాష్ట్రం ఇచ్చే అవకాశం ఉందన్నారు. సద్భావనతో విడిపోవాలని, విడిపోయిన తర్వాత కూడా కలసిమెలసి ఉండాలనే.. ఈ రౌండ్‌టేబుల్ సమావేశమన్నారు. ఆగస్టు 9 క్విట్ఇండియా ఉద్యమం రోజు, ఆగస్టు 15 స్వాతంత్య్ర దినోత్సవం లేదా సెప్టెంబర్ 17 హైదరాబాద్ సంస్థానం విమోచనం రోజుకల్లా తెలంగాణ ఇవ్వకుంటే స్వాతంత్య్రసమరయోధులంతా గ్రామాల్లోపర్యటించి తెలంగాణ ఉద్యమంలో ప్రజలను భాగస్థులను చేసి తెలంగాణ సాధనకు చివరి పోరాటాన్ని ఉధృతం చేస్తామన్నారు.