Posted: 07/13/2012 07:28 PM IST

కాంగ్రెస్ పార్టీ అధిష్టానాన్ని ఎదిరించి సొంత పార్టీ పెట్టుకొని తన మెజార్టీ ఏంటో చూపించిన జగన్ మళ్ళీ కాంగ్రెస్ వాళ్ళకే వంత పాడనున్నాడా ? అవినీతి కుంభకోణంలో అరెస్టు అయి జైల్లో ఉన్న జగన్ త్వరలో జరగబోయే రాష్ట్రపతి ఎన్నికలలో ఏ పార్టీకి తన మద్దతు తెలుపుతాడన్నది ప్రస్తుతం చర్చనీయాంశమైంది. గతంలో కాంగ్రెస్ పార్టీకి వ్యతిరేకంగా అవిశ్వానికి ఓటు వేసి నేను కాంగ్రెస్ వ్యతిరేకి అని నిరూపించుకున్న జగన్ పార్టీ రాష్ట్రపతి ఎన్నికలలో మాత్రం యూపీఏకే మద్దతు ఇవ్వబోతుందా అంటే తాజా పరిణామాలు అవుననే అంటున్నాయి. ఇవాళ అనకాపల్లి ఎమ్.పి సబ్బం హరి ఈ విషయంలో రాయబారం జురుపుతున్నట్లుగా కనిపిస్తుంది. సబ్బం హరి ఢిల్లీ వెళ్లి ప్రణబ్ తో భేటీ అవడం చర్చనీయాంశం అవుతోంది. అంతకుముందు అసదుద్దీన్ ఒవైసీ కూడా జగన్ తో ఈ విషయమై మంతనాలు జరిపారు. మొత్తానికి జగన్ పార్టీ ప్రణబ్ కే మద్దతు అని తేలిపోయిందని రాజకీయ వర్గాలు అంటున్నాయి.