Posted: 09/04/2012 03:17 PM IST

 సత్యసాయి  బాబా  ఆశయ సాధనకు సత్యసాయి ట్రస్టు పని చేస్తుందని ట్రస్టు సభ్యుడు  ఆర్. జె. రత్నాకర్  పేర్కొన్నారు.   సత్యసాయి ఆస్తులకు  వారసులంటూ  ఎవరూ లేరన్నారు.  సత్యసాయి  ఆశయాలు  కొనసాగించడానికి మాత్రమే  ట్రస్టు ఏర్పడిందని చెప్పారు.  బాబా 14 ఏళ్ల వయస్సులోనే  కుటుంబ బాంధవ్యాలు  వదులుకొని  తనకు తాను అవతార  పురుషుడిగా  ప్రకటించుకున్నారన్నారు.  సత్యసాయి డిక్లరేషన్  పత్రాల్లో  సంతకాలు  ఉన్నందున తాము గౌరవిస్తామని  పేర్కొన్నారు.  సత్యసాయి  సంతకంతో  కూడిన  డిక్లరేషన్ పై  తాను  విశ్లేషించలేనన్నారు.  బాబా 14వ  ఏట భక్తులకు  అందించిన సందేశం..  ఇదే డిక్లరేషన్ లో ఉందని  వివరించారు. 1967లో  బాబా డిక్లరేషన్  రాసినప్పుడు  తాను జన్మించలేదన్నారు.  సత్యసాయి  మనో భావాలు, ఆదర్శాలు  తమకు మార్గదర్శకాలు  అవుతాయని  తెలిపారు.  ట్రస్టుకు  సమకూరిన స్థిర, చరాస్తులన్నీ  భక్తుల నుంచి సంక్రమించినవేనని వాటిపై అన్ని హక్కులు భక్తులకు ఉన్నాయన్నారు.