Posted: 09/04/2012 03:29 PM IST

ప్రస్తుత పార్లమెంటు సమావేశాలని అతలాకుతం చేస్తూ, సభను సాగనీయకుండా చేస్తున్న బొగ్గుకుంభకోణం పై సీబీఐ తన ద్రుష్టి సారించింది. కాగ్ సమర్పించిన నివేదికలో బొగ్గు కేటాయింపులలో అనేక అక్రమాలు ఉన్నాయని తేలింది. దీంతో విపక్షాలు దీని పై చర్చ జరగాలని పట్టుబడుతూ... పార్లమెంటును సజావుగా సాగనీయడం లేదు. దీంతో కేంద్ర ఆర్థిక మంత్రి చిదంబరం పార్లమెంటులో దీని పై చర్చ జరపడానికి సిద్ధం అని అన్నారు.

అయితే కేంద్ర హోంశాఖ ఆదేశాల మేరకు సీబీఐ పలు కంపెనీల పై ఏక కాలంలో 30 చోట్ల దాడులు చేస్తుంది. అందులో భాగంగానే ప్రముఖ సినీ దర్శకుడు, మాజీ కేంద్ర బొగ్గు గనుల సహాయ మంత్రి అయిన దాసరి నారాయణ రావును సీబీఐ అధికారులు బొగ్గు కుంభకోణానికి సంబంధించి ఆయనను ఈ రోజు ఉదయం 6 గంటల ప్రాంతంలో ఆయన గెస్ట్ హౌజ్ లో సీబీఐ అధికారులు విచారించారు. ఈ స్కాం విషయంలో మరోసారి కూడా దాసరిని ప్రశ్నించే అవకాశాలు మెండుగా ఉన్నాయి. చారణ నిమిత్తం హైదరాబాద్‌కు చేరుకున్న 12 మంది సీబీఐ బృందం కుత్భుల్లాపూర్, బంజారాహిల్స్‌లోని నవభారత్ కంపెనీలోనూ సోదాలు జరిపింది. మరి దాసరి ఈ కుంభకోణంలో ఉన్నాడా ? లేదా అనేది తేలాల్సి ఉంది.