Posted: 12/05/2012 10:11 AM IST

అసలే కష్టకాలంలో ఉన్న కాంగ్రెస్ పార్టీని కేసీఆర్ మరింత కలవర పెడుతున్నారు. పార్లమెంటు లో ఎఫ్ డీ ఐ పై ఓటింగ్ జరగబోతున్న సమయంలోనే కేసీఆర్ పలువురు కాంగ్రెస్ ఎంపీలను కలవడంతో ఈ కలవరం మొదలైంది. నేడు ఓటింగ్ జరగనున్న నేపథ్యంలో వీరి భేటికి ప్రాధాన్యం ఏర్పడింది. కేసీఆర్ ఢిల్లీలోని ఎంపీ వివేక్ ఇంటికి వెళ్ళి ఆయనతో పాటు మరో ఇద్దరు టి. ఎంపీలు అయిన మందా జగన్నాథం, రాజయ్యలతో కూడా మంతనాలు జరిపారు. ఈ సమావేశంలో కేసీఆర్ వారిని టీఆర్ ఎస్ లోకి రమ్మని ఆహ్వానించినట్లు వార్తలు. అయితే ఎఫ్ డీఐల పై ఓటింగ్ జరిగే సమయంలో కేసీఆర్ వీరితో భేటి కావడం వ్యూహాత్మకమే అని అంటున్నారు. ఇప్పటికే ఎఫ్ డీఐ ల  పై ఓటింగ్ కు దూరం ఉండాలని నిర్ణయించుకున్న కేసీఆర్, విజయశాంతిలు వీరిని కూడా ఓటుకు దూరంగా ఉంచి, కాంగ్రెస్ అధిష్టానం పై ఒత్తి తెచ్చే ఉద్దేశ్యంలో భాగమే అంటున్నారు. ఇక కాంగ్రెస్ నుండి వీరే కాకుండా మరి కొందరు ఎమ్మెల్యేలు, ఎంపీలు కూడా టీఆర్ఎస్ పార్టీలోకి వచ్చేందుకు సిద్ధంగా ఉన్నారు. వీరు ఈనెల చివరిలో టీఆర్ఎస్ లో చేరవచ్చని అంటున్నారు. అయితే ఈ వార్తల పై వివేక్ స్పందిస్తూ... తన పుట్టినరోజు శుభాకాంక్షలు చెప్పడానికే కేసీఆర్‌ వచ్చారు తప్ప, తమ భేటీకి ఎలాంటి ప్రాధాన్యం లేదని వివేక్‌ మీడియాకు చెప్పారు. కాంగ్రెస్ పార్టీ వారు మాత్రం ఇదంతా కేవలం కేసీఆర్‌ బూచి చూపి నాయకత్వన్ని బెదిరించే ఎత్తుగడ తప్ప, మరొకటి కాదని, తమ ప్రాధాన్యం చెప్పడానికేనని అంటున్నారు.