Posted: 12/15/2012 04:04 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి పై చంద్రబాబు నాయకుడు విమర్శలతో దాడి చేశాడు.   తెలంగాణ ప్రాంతంలో పాదయాత్ర చేస్తున్నా టీడీపీ అధినేత నారా చంద్రబాబు నాయుడు, ప్రస్తుతం కరీంనగర్  జిల్లాలో  పాదయాత్ర  చేస్తున్నారు. వస్తున్నా మీకోసం పాదయాత్రలో భాగంగా  చంద్రబాబు  సీఎం  కిరణ్ పై  నిప్పులు వర్షం కురించారు.  అసమర్థత వలనే రాష్ట్రంలో  ఇన్ని సమస్యలు  వచ్చాయాని ఆయన అన్నారు.  అంతేకాకుండా ముఖ్యమంత్రి పరిపాలనను   ఒక నీరో  చక్రవర్తి ఫిడేలు వాయించిన తీరును గుర్తుకు తెస్తోందని  చంద్రబాబు అన్నారు.  ముస్లింలకు  15   అసెంబ్లీ స్థానాలను కేటాయిస్తామని చంద్రబాబు అన్నారు.  అంతేకాకుండా  మేము అధికారంలోకి వస్తే  రైతులకు వడ్డీలేని రుణాలిస్తామని చంద్రబాబు చెప్పారు.  చంద్రబాబు పత్తి రైతుల గురించి మాట్లాడుతూ  ప్రభుత్వం  క్వింటా పత్తికి రూ. 5 వేలు, పసుపుకు రూ. 10 వేలు  మద్దతు ధర ఇవ్వాలని  డిమాండ్  చేశారు.  అంతేకాకుండా  వ్యవసాయ ఉత్పత్తుల కొనుగోలుపై  ప్రభుత్వానికి  నిర్ఠిష్టమైన విధానం ఉండాలని చంద్రబాబు అన్నారు.  పత్తి కొనుగోళ్లపై  వారం రోజుల్లో  ప్రభుత్వం స్పందించకపోతే జమ్మికుంట  మార్కెట్ లో దీక్ష చేపడతామని  చంద్రబాబు హెచ్చరించారు.