Posted: 02/07/2013 09:31 AM IST

దివంగత ముఖ్యమంత్రి వైయస్ రాజశేఖర్ రెడ్డి బామ్మరిది, కడప మాజీ మేయర్ అయిన రవీంధ్రనాథ్ రెడ్డి కనిపించడం లేదు. అలా అని ఈయన తప్పిపోయాడని అనుకుంటే పొరపాటే. తప్పించుకొని తిరుగుతున్నాడు. కడపలో నిన్న సాయంత్రం వరకు సహాకార ఎన్నికలలో హల్ చల్ చేస్తూ, అధికారులను నిలదీస్తూ హంగామా చేసిన రవీంధ్రనాథ్ రెడ్డి సాయంత్రం కాగానే మాయం అయ్యాడు. దీనికి కారణం ఆయనను పోలీసులు అరెస్టు చేసేందుకు రంగంలోకి దిగడమే. కడప జిల్లా సహకార శాఖాధికారి సంతకాన్ని ఫోర్జరీ చేసి, ఆయన కార్యాలయం పేరిట స్టాంపు తయారుచేసి వాడుకున్నారనే ఆరోపణలపై రవీంద్రనాథ రెడ్డిపై కేసు నమోదైంది. సహాకార ఎన్నికలలో టీడీపీ, కాంగ్రెస్‌లు కుమ్మక్కై బోగస్ ఓటర్లను నమోదు చేశాయంటూ, ఈ ఎన్నికలను ఆపాలని హైకోర్టును ఆశ్రయించాడు. కానీ టీడీపీ నేతలు ఇతని పై ఫిర్యాదు చేయడంతో ఇతని పై చీటింగ్ కేసుల వంటి పలు అభియోగాలతో కేసు నమోదు చేశారు. కానీ ఆయనపై నమోదైన ఫోర్జరీ, చీటింగ్ కేసులు కొట్టివేసేందుకు హైకోర్టు నిరాకరించింది. దీంతో పోలీసులు అరెస్టుకు సిద్దమవ్వడంతో కనిపించకుండా పోయాడు.