Posted: 02/25/2013 04:23 PM IST

వస్తున్నా మీకోసం పాదయాత్రలో గుంటూరు జిల్లాలో పర్యటిస్తున్న తెలుగు దేశం పార్టీ అధినేత చంద్రబాబు నాయుడు నిన్న చేసిన వ్యాఖ్యల మీద భగ్గుమన్న కాంగ్రస్ పార్టీ నాయకులకు చంద్రబాబు ఆ విధంగా జవాబిచ్చారు. 

ఈ రోజు 146 రోజు పాదయాత్రలో ఉన్న చంద్రబాబు నాయుడు, బెదిరింపులకు లొంగేది లేదని, భయపడేది అంతకంటే లేదని, కావలిస్తే కేసులు పెట్టుకోమని కాంగ్రెస్ నేతలకు సమాధానమిచ్చారు.  పిసిసి అధ్యక్షుడు బొత్సా సత్యనారాయణ, మంత్రి కొండ్రు మురళి, గండ్ర లు చంద్రబాబు పట్ల చేసిన వ్యాఖ్యల పట్ల ఆయన అలా స్పందించారు. 

చంద్రబాబుకి మతి చలించిందని, ప్రజలను రెచ్చగొడుతున్నారని, కత్తులు కొడవళ్ళతో రోడ్డుకెక్కమని అంటున్న చంద్రబాబు మీద కేసులు పెట్టాలని మంత్రి కొండ్రు మురళి అన్నారు.   ప్రజల్లో చైతన్యం రావాలని కసాయిని నమ్మిన గొర్రెలా కాకుండా ప్రభుత్వం మీద తిరగబడాలని చంద్రబాబు అనటాన్ని బొత్సా సత్యనారాయణ, మంత్రి బాలరాజు నిరసించారు. 

-శ్రీజ