హరిక్రిష్ణకు చర్రిత తెలియదు : కేసిఆర్ కొడుకు

Posted: 08/23/2013 02:59 PM IST

రాష్ట్ర విభజనకు వ్యతిరేకంగా రాజీనామా చేసి , సమైక్యాంద్రకు మద్దతు తెలిపిన మాజీ రాజ్యసభ నందమూరి హరిక్రిష్ణ పై తెలంగాణా రాష్ట్ర సమితి అద్యక్షడు కల్వకుంట్ల చంద్రశేఖర రావు తనయుడు కల్వకుంట్ల తారక రామారావు మండిపడ్డారు. హరిక్రిష్ణ తన తండ్రి ఆశయల కోసమే రాజీనామా చేసినట్లుగా చాలా విడ్డురంగా ఉందని కేటిఆర్ అన్నారు. ఎన్టీఆర్ ఎప్పుడు తెలుగు జాతి కలిసి ఉండాలని చెప్పలేదని, హరిక్రిష్ణ కు చరిత్ర తెలియకుండా మట్లాడుతున్నాడని మండిపడ్డారు. తెలుగుదేశం పార్టీ అవకాశవాదానికి, అనైతిక రాజకీయాలకు కేంద్రంగా మారిందని టీఆర్ఎస్ నేత కేటీఆర్ ఆరోపించార. తెలుగు జాతి కలిసి ఉండాలని ఆంధ్రప్రదేశ్ మాజీ ముఖ్యమంత్రి ఎన్టీఆర్ అన్నారన్నా హరికృష్ణ వాదనకు అర్థం లేదని ఆయన వ్యాఖ్యానించారు. గతంలో జరిగిన జై ఆంధ్ర ఉద్యమంలో రాష్ట్రాన్ని విభజించాలని ఎన్టీఆర్ స్వయంగా కోరారని కేసిఆర్ కొడుకు కేటీఆర్ గుర్తు చేశారు. హరికృష్ణ చరిత్ర తెలుసుకోకుండా మాట్లాడుతున్నారని పేర్కొన్నారు. చంద్రబాబును తెలుగుదేశం పార్టీలోకి చేరుకోవద్దని ఎన్టీఆర్ కు అనేక మంది రాజకీయ నాయకులు చెప్పటం జరిగింది. కానీ ఎన్టీఆర్ చంద్రబాబును చేర్చుకోవటంతో ఏం జరిగిందో.. అందరికి తెలుసునని కేటిఆర్ అన్నారు. ముందు తెలుగుదేశం పార్టీ నాయకులు చరిత్ర గురించి తెలుసుకోవాలని కేటిఆర్ ఉచిత సలహా ఇవ్వటం జరిగింది. కేటిఆర్ వ్యాఖ్యలకు టిడిపి నాయకులు ఎలాంటి కౌంటర్ ఇస్తారో చూడాలి.