చంద్రబాబుతో మైత్రీ సంబంధం ఉంది : దిగ్విజయ్ సింగ్

Posted: 09/03/2013 01:06 PM IST

కాంగ్రెస్ పార్టీ, తెలుగుదేశం పార్టీకి మంచి స్నేహ సంబంధాలు ఉన్నాయని, కారు గుర్తుతోళ్లు, ఫ్యాన్ గుర్తుతోళ్లు ఎన్నో సార్లు మీడియా ముందు గొంతు చించుకొని అరిచిన విషయం తెలిసిందే. అయితే వారి అరుపులు ఈ రోజు నిజమైయ్యాయి. చంద్రబాబుతో మైత్రీ సంబంధం ఉందని కాంగ్రెస్ పార్టీ నాయకుడే స్వయంగా చెప్పటం జరిగింది.  అలాంటి చంద్రబాబు కూడా తనను టార్గెట్ చేయడం సంతోషమేనని ఏఐసీసీ రాష్ట్ర వ్యవహారాల ఇన్ చార్జి దిగ్విజయ్ సింగ్ వ్యాఖ్యానించారు. తెలంగాణ అంశంపై ఈరోజు న్యూఢిల్లీలో ఆయన ఈ వ్యాఖ్యలు చేశారు. విభజనకు అన్ని పార్టీలూ సరేనన్న తర్వాత మాత్రమే తాము ముందుకెళ్లామని, ఇప్పుడు రాష్ట్రంలో నెలకొన్న పరిస్థితులను కాంగ్రెస్ పార్టీ అధిష్ఠానం, కేంద్ర ప్రభుత్వం నిశితంగా పరిశీలిస్తున్నాయని ఆయన చెప్పారు. విభజన గురించి అన్ని అంశాలను ఆంటోనీ కమిటీ పరిశీలిస్తోందని, ఆంటోనీ కమిటీతో ఎవరైనా వచ్చి అన్ని అంశాలను చర్చించవచ్చని దిగ్విజయ్ తెలిపారు. హైదరాబాద్ ను కేంద్రపాలిత ప్రాంతం చేయాలన్న ప్రతిపాదనను కేంద్రం పరిశీలిస్తోందంటూ వచ్చిన వార్తల గురించి ప్రస్తావించగా, దాని గురించి మాత్రం సమాధానం ఇవ్వకుండా తప్పించుకున్నారు.