నేడే ‘నరేంద్రుడికి’ పట్టాభిషేకం

Posted: 05/26/2014 09:56 AM IST

Narendra modi to sworn in as 14th prime minister today

బిజేపీ విజయసారథి నరేంద్రమోడీ పట్టాభిషేకానికి అన్ని ఏర్పాట్లు పూర్తయ్యాయి. ఈరోజు 6 గంటలకు భారత రాష్ట్రపతి ప్రణబ్ ముఖర్జీ భారత దేశపు 14వ ప్రధానిగా 63 ఏళ్ల నరేంద్రభాయ్ దామోదర్‌దాస్ మోడీతో పదవీ ప్రమాణం చేయించనున్నారు.

ఆయనతో పాటు 40 మంత్రులు కూడా ప్రమాణ స్వీకారం చేయనున్నారు. రాష్ట్రపతి భవన్ ప్రాంగణంలో అంగరంగ వైభవంగా జరగనున్న ఈ ప్రమాణస్వీకార కార్యక్రమానికి పాకిస్థాన్ ప్రధాని నవాజ్ షరీఫ్, ఎనిమిది మంది దేశాధినేతలు సహా నాలుగువేల మంది అతిథులు హాజరు కానున్నారు.

మాజీ రాష్ట్రపతి ప్రతిభాపాటిల్, అబ్దుల్ కలాం, ప్రధాని మన్మోహన్‌సింగ్, కాంగ్రెస్ అధినేత్రి సోనియాగాంధీ, బాలీవుడ్ దిగ్గజం అమితాబ్ బచ్చన్, సల్మాన్ ఖాన్, లతా మంగేష్కర్ తదితరులు ఈ కార్యక్రమంలో పాల్గొంటున్న ప్రముఖుల్లో ఉన్నారు. వివిధ కారణావల్ల ఈ కార్యక్రమానికి కేరళ ముఖ్యమంత్రి ఊమెన్ చాందీ, కర్ణాటక ముఖ్యమంత్రి సిద్ధరామయ్య ఈ కార్యక్రమానికి హాజరు కావడం లేదు.

శ్రీలంక అధ్యక్షుడు రాజపక్సే హాజరుపై తీవ్ర నిరసన వ్యక్తం చేస్తున్న తమిళనాడు ముఖ్యమంత్రి జయలలిత మోడికి సారీ చెప్పినట్లు తెలుస్తోంది. అఫ్గాన్‌లో భారత దౌత్య కార్యాలయంపై దాడి నేపథ్యంలో ప్రమాణ స్వీకార కార్యక్రమం జరుగుతున్న రాష్ట్రపతి కార్యాలయం చుట్టూ ఐదంచెల భద్రత కల్పించారు.

మోడీతో పాటు… మరో 16 మంది కేబినెట్ మంత్రులుగా ప్రమాణ స్వీకారం చేయనున్నారు. సీమాంధ్ర నుంచి వెంకయ్యనాయుడు, అశోక్ గజపతి రాజు… తెలంగాణ నుంచి బండారు దత్తాత్రేయ మంత్రులుగా ప్రమాణం చేయనున్నట్టు సమాచారం. మోడీ కేబినెట్ లో 40 మందికి మించకుండా కేబినెట్ మంత్రులు ఉండే అవకాశం ఉంది.