డిస్పోజబుల్ దుప్పట్లు

Posted: 07/03/2014 05:16 PM IST

రాను రాను నాగరికత పెరుగుతున్న కొద్దీ మనుషులలో శుచి శుభ్రత మీద పట్టింపులు ఎక్కువౌతున్నాయి.  ఈ నేపథ్యంలోనే డిస్పోజబుల్ సిరెంజ్ లు, గ్లాసులు, ప్లేట్లు, రేజర్లు వచ్చాయి.  యూజ్ అండ్ త్రో అనే పేరుతో వ్యవహరించిన ఈ ఉత్పాదనలు ఒకసారి వాడకానికి మాత్రమే ఉపయోగపడతాయి.  

ఇప్పుడిక రైళ్లల్లో ఎసి బోగీల్లో ప్రయాణీకులకు ఇచ్చే దుప్పట్ల మీద విమర్శలు వస్తున్న నేపథ్యంలో ఒకసారి ఉపయోగించి పారేసే రకం దుప్పట్లను ఏర్పాటు చేస్తే ఎలా ఉంటుందన్నదానిమీద రైల్వే అధికారులు కసరత్తు చేస్తున్నారు.  

ఈ ప్రయోగాన్ని ముందుగా బెంగళూరు రాజధాని ఎక్స్ ప్రెస్ లో చేసి, దాని మీద ప్రయాణీకుల స్పందన చూసిన తర్వాత ఈ సదుపాయాన్ని ఇతర రైలు సేవలలో కూడా ఉపయోగించాలని అనుకుంటున్నారు.  

-శ్రీజ