హైదరాబాద్ లోకి బస్సుల్ని అనుమతించటం లేదు

Posted: 09/06/2014 09:57 AM IST

భాగ్యనగరంలో గణేష్ నిమజ్జన ఏర్పాట్లు శరవేంగంగా జరుగుతున్నాయి. సోమవారం జరిగే ఉత్సవం కోసం ప్రభుత్వం, పోలిసులు రాత్రింబవళ్లూ కష్టపడుతున్నారు. స్టేజిల ఏర్పాటు.., సీసీ కెమెరాల ద్వారా భద్రతను పర్యవేక్షిస్తున్నారు. ఇక జీహెచ్ఎంసీ కూడా నిమజ్జన ఏర్పాట్లలో నిమగ్నమైంది. కాగా.., నిమజ్జనం కారణంగా హైదరాబాద్ నగరంలోకి సోమవారం రోజు జిల్లాల నుంచి వచ్చే బస్సులను అనుమతించటం లేదు.నల్గొండ, విజయవాడ మార్గాల నుంచి వచ్చే బస్సులు ఎల్బి నగర్ వరకే అనుమతిస్తామన్నారు. ఇక వరంగల్ వైపు వెళ్లే బస్సులకు ఉప్పల్ కే పరిమితం. అదేవిదంగా అదిలాబాద్, నిజామాబాద్, కరీంనగర్, మెదక్ జిల్లాలకు వెళ్లే బస్సులను జేబీఎస్ వరకే అనుమతిస్తున్నట్లు అధికారులు చెప్పారు.

నిమజ్జనం ముగిసేవరకు బస్సులను శివారు ప్రాంతాల వరకే అనుమతిస్తున్నట్లు పోలిసులు చెప్తున్నారు. నిమజ్జనం సందర్బంగా ఎలాంటి అవాంఛనీయ ఘటనలు జరగకుండా పటిష్ట బందోబస్తు చర్యలు చేపడుతున్నారు. తెలంగాణ రాష్ర్టం ఏర్పడిన తర్వాత జరుగుతున్న తొలి గణేష్ నిమజ్జన ఉత్సవ వేడుకలు ఇవి. గతంలో హైదరాబాద్ నిమజ్జనంకు తెలంగాణ, ఏపీ నుంచి పోలిసులను వినియోగించేవారు. అయితే ప్రస్తుతం కేవలం తెలంగాణ నుంచే బలగాలను  వినియోగిస్తున్నట్లు తెలుస్తోంది. దీంతో పోలిసులకు భద్రత కొంచెం కష్టంగా మారింది.

అటు నిమజ్జనం సందర్బంగా హైదరాబాద్, రంగారెడ్డి జిల్లాలకు సోమవారం  ప్రభుత్వం సెలవు ప్రకటించింది. సోమవారం రోజున ప్రభుత్వ కార్యాలయాలు, విద్యాసంస్థలు పనిచేయవని ఆదేశాలు జారీ చేసింది. అదే విధంగా ఆ రోజున ప్రైవేటు కార్యాలయాల్లో పనిచేసేవారికి అదనపు వేతనం లేదా వేతనంతో కూడిన సెలవును ప్రకటించాలని ప్రభుత్వం తెలిపింది.

 

కార్తిక్