సముద్రంలో విమాన శకలాలు.., ప్రయాణీకుల సంబంధీకుల భయాందోళన

Posted: 12/28/2014 02:08 PM IST

అదృశ్యమైన ఎయిర్ ఆసియా విమానం కోసం గాలింపు చర్యలు వేగవంతం అయ్యాయి. జావా సముద్రంలో విమాన శకలాలు కన్పించినట్లు స్థానిక మీడియా వెల్లడించింది. దీంతో విమానం కుప్పకూలి ఉంటుందని అనుమానాలు వ్యక్తం అవుతున్నాయి. మరోవైపు జావా సముద్ర ఉపరితలంపై ఉన్నపుడే విమానం సంబంధాలు తెగిపోవటంతో అక్కడే విమానం ప్రమాదంకు గురయి ఉండవచ్చని ఊహాగానాలకు బలం చేకూరుస్తున్నాయి.

విమాన శకలాలు కన్పించాయన్న ప్రకటనతో ప్రయాణీకుల బంధువుల్లో భయాంధోనలు మొదలయ్యాయి. ఎలాంటి ఆపద జరగకుండా తమవారు క్షేమంగా తిరిగి రావాలని కుటుంబ సభ్యులు ప్రార్ధనలు చేస్తున్నారు. అటు విమాన శకలాల లభ్యంపై ఎయిర్ ఆసియా స్పందించింది. సముద్రంలో ఉన్న శకలాలు తమవే అని ఖచ్చితంగా చెప్పలేమంది. వాటిని పరిశీలించిన తర్వాతే ఏ విషయమైనా దృవీకరించగలమని విమానయాన సంస్థ వెల్లడించింది. విమాన అదృశ్యంపై పుకార్లు నమ్మవద్దని, సంయమనంతో వ్యవహరించాలని స్పష్టం చేసింది.

మరోవైపు విమానం కోసం ముమ్మరంగా గాలింపు చర్యలు జరుగుతున్నాయి. రెండు విమానాలు, ఐదు నౌకలతో గాలింపు చర్యలు చేపట్టారు. అటు సమీప దేశాలు కూడా విమానం కోసం గాలించాలని ఇండోనేషియా ప్రభుత్వం కోరింది. అదృశ్యం అయిన విమానంలో సిబ్బంది ప్రయాణికులు కలిపి 162మంది ఉన్నారు. వీరిలో 145మంది ఇండోనేషియాకు చెందినవారే. మరోవైపు అదృశ్యమైన ఈ విమానం కూడా మలేషియాకు చెందిన ఎయిర్ లైన్స్ సంస్థదే కావటం గమనార్హం.

 

 

కార్తిక్