విసుగెత్తిన కేసీఆర్ హెలికాప్టర్

Posted: 12/28/2014 03:34 PM IST

తెలంగాణ ముఖ్యమంత్రి కేసీఆర్ ఈ మద్య గాల్లో పర్యటిస్తున్న విషయం తెలిసిందే. టైం కుదిరినప్పుడల్లా విహంగ వీక్షణం చేస్తున్నారు. ఫిలిం సిటీ, ఫార్మాసిటీ ఇలా దేనిని పరిశీలించాలన్నా వెంటనే పైలట్ కు ఫోన్ చేసి హెలికాప్టర్ సిద్దం చేసుకుంటున్నారు. రాష్ట్రవ్యాప్తంగా హెలికాప్టర్ తో చక్కర్లు కొడుతున్న కేసీఆర్ పై ప్రతిపక్షాలు విమర్శలు చేస్తుండగా.., హెలికాప్టర్ కూడా విసుగెత్తిపోయినట్లు కామెంట్లు వస్తున్నాయి. అందుకే ప్రయాణం మద్యలో సాంకేతిక లోపం సాకుతో సీఎం కిందకు దిగకుండా చేసింది.

ఆదివారం విహంగ వీక్షణంలో భాగంగా హైదరాబాద్ శివార్లలో సీఎం పర్యటించారు. శివారు ప్రాంతాల్లోని భూములు, చెరువులు, ఇతర ప్రాంతాలను పరిశీలించారు. పర్యటనలో భాగంగా శివారు ప్రాంతమైన వనస్థలీపురంలో సీఎం ఆగాల్సి ఉంది. అదే సమయంలో హెలికాప్టర్ లో సాంకేతికలోపం తలెత్తటంతో ల్యాండింగ్ కాకుండానే వెళ్ళిపోయింది. దీంతో  ప్రభుత్వ అధికారులు హైరానా పడ్డారు. అయితే ఖంగారుపడాల్సిన అవసరం లేదనీ.. సాంకేతిక లోపం వల్లే  హెలికాప్టర్ ఆగలేదని చెప్పటంతో తెలిసి ఊపిరిపీల్చుకున్నారు. అయితే ఇక్కడ చాపర్ ఆగిపోయింది కేసీఆర్ పై విసుగెత్తి కాదు.. సరిగా మెయింటైన్ చేయనివారపై.

 

కార్తిక్