సార్ చెప్పేది కరెక్టే !

Posted: 01/12/2015 08:01 AM IST

తెలంగాణ వచ్చినప్పటి నుంచి ప్రభుత్వానికి రెబల్ గా మారిన తెలంగాణ జేఏసీ చైర్మన్ కోదండరాం మరోసారి సర్కారుపై విమర్శలు చేశారు. హైదరాబాద్ ను వరల్డ్ సిటీ, తెలంగాణను దేశానికే తలమానికం చేస్తానని సీఎం నిత్యం చెప్తున్న మాటలకు కౌంటర్ ఇచ్చారు. ఖరీదైన కట్టడాల కంటే ముందు ప్రజలకు కనీస అవసరాలు తీర్చాలని హితవు పలికారు. తెలంగాణ విద్యావంతుల వేదిక ఐదవ వార్షికోత్సవ కార్యక్రమంలో ప్రొఫెసర్ పాల్గొన్నారు.

అభివృద్ది అంటే ఫిలింసిటీ, ఫార్మాసిటీ నిర్మాణాలు, ఎత్తైన భవనాలు, కొత్తగా వినాయక్ సాగర్ నిర్మించటం కాదన్నారు. ప్రజలకు అవసరమైన సంక్షేమ ఫలాలు వారికి అందినప్పుడే అభివృద్ధి అనే మాటకు సరైన అర్థమన్నారు. తన దృష్టిలో ఇంకా సంపూర్ణ తెలంగాణ సాకారం కాలేదన్నారు. అందరి అవసరాలు తీరి అభివృద్ధికి బాటలు పడినపుడే సంపూర్ణ రాష్ర్టం ఏర్పడినట్లు భావించాలన్నారు. ప్రొఫెసర్ చెప్పింది నిజమే, 80శాతం ప్రజలను పట్టించుకోకుండా 20శాతం ప్రజల అభివృద్ధిని పరిగణలోకి తీసుకోలేము. కానీ కేసీఆర్ మైండ్ లో దీనికి ఏం మాస్టర్ ప్లాన్ ఉందో ఎవరు ఊహించగలరు !.