ఇండియాను పొగిడిన పాకిస్థాన్

Posted: 04/30/2015 01:04 PM IST

ఇదేంటి రెండు దేశాలకు అస్సలు పడదు కదా అని అనుకుంటున్నారా.. అవును నిజం. పాకిస్థాపన్ బారతదేశంపై పొగడ్తలతో ముంచెత్తింది. భారత్ నిజంగా గ్రేట్ అంటూ కితాబిస్తోంది. ఇంతకీ ఎందుకు అనేగా మీ అనుమానం.. నేపాల్ భూకంప బాధితులను ఆదకోవడం, అక్కడ సహాయక చర్యలకు దిగడంలో అన్ని దేశాల కన్నా భారత్ ఎంతో చురుకైన పాత్రపోషిస్తోంది. నేపాల్ కు అన్ని రకాలుగా సహాయ సహకారాలు అందిస్తోంది భారత్. చేస్తున్న సాయాన్ని కొనియాడుతూ పాకిస్థాన్ స్పందించింది.

ప్రధాని నరేంద్రమోదీకి పాకిస్థాన్ ప్రధాని నవాజ్ షరీఫ్  పోన్ కాల్ చేశారు. భూకంపం కారణంగా ప్రాణాలు కోల్పోయిన భారతీయుల కుటుంబాలకు ఆయన సంతాపం వ్యక్తం చేశారు. ఈ సందర్భంగా నేపాల్లో భూకంప బాధితులకు సేవలు అందించడంలో క్రియాశీలంగా వ్యవహరిస్తున్న భారత్పై ఆయన ప్రశంసల జల్లు కురిపించారు. నేపాల్ కు మీరు అందిస్తున్న సేవలు చాలా గొప్పవంటూ మోదీని కొనియాడారు. సాధారణంగా ప్రత్యేక సందర్భాల్లో తప్ప భారత్ పాక్ మధ్య ఉత్తరప్రత్యుత్తరాలు నడవని విషయం తెలిసిందే. నేపాల్కు సహాయం అందించడంలో భారత్ ముందుడటాన్ని ఒక్కపాకిస్థానే కాకుండా ప్రపంచం మొత్తం గుర్తించింది.

*అభినవచారి*