కేకు.. రాజీనామా లేఖ.. భలే ఐడియా గురు

Posted: 05/07/2015 01:55 PM IST

కొంత మంది అప్పుడప్పుడు తెలియకుండానో తెలిసో పేపర్ ముక్కలు నమిలేస్తుంటారు. అయితే పైన టైటిల్ చదవగానే రాజీనామా లెటర్ ను తినేసి ఉంటారు.. అది కాస్త తియ్యగా ఉందేమో బహుశా అని అనుకుంటున్నారేమో అస్సలు కాదు. మేము చెప్పే రాజీనామా లేఖ అసలు కాగిత మీదనే రాయలేదు మరి. అయితే మనిసన్నాక కాసింత కళిపోసన ఉండాలని పాత సినిమాలో రావు గోపాల్ రావు మాటలు గుర్తున్నాయో లేదా అందరిలా కాకుండా కాస్త భిన్నంగా ఉండాలని అనుకున్నాడో ఏమో కానీ ఓ వ్యక్తి రాజీనామా లేఖ కొత్తగా, వెరైటీగా ఇచ్చి ఆఫీస్ వారినే కాదు ఇంటర్నెట్ లో చాలా మందిని సర్ ప్రైజ్ చేశాడు. అసలు రాజీనామా లెటర్ కు అంత పాపులారిటీ ఎందుకు వచ్చింది.. రిసిగ్ నేషన్ లెటర్ స్వీట్ గా ఎలా అయింది అంటే స్టోరీ చదవండి.

మార్క్ హెర్మన్ అనే ఆయన ఓ న్యుస్ ఏజెన్సీలో పని చేస్తున్నాడు. అయితే మనోడికి వేరే కంపెనీలో మంచి సాలరీతో జాబ్ వచ్చింది. అయితే నాలుగు సంవత్సరాలుగా పని చేస్తున్న కంపెనీని వదిలివెళ్లాలని నిర్ణయించుకున్నాడు. అయితే తాను రాసే రాజీనామా వెరైటీగా ఉండాలని డిసైడ్ అయ్యాడు. అంతే అప్పుడే ఓ కేక్ మీద తన రాజీనామా లెటర్ రాస్తే ఎలా ఉంటుంది అని ఆలోచించుకున్నాడు.. అనుకున్నదే ఆలస్యంగా వెంటనే టకామని ఆర్డిరిచ్చి కేక్ పై రాజీనామా లెటర్ రెడీ చేయించాడు. అంతే దాన్ని తీసుకెళ్లి తన పాత సంస్థకు ఇస్తే అక్కడున్న వారంతా షాకయ్యారట. అయినా అలాంటి వెరైటీ రాజీనామా చూస్తే ఎవరైనా ఆశ్చర్యపోక తప్పదు మరి. ఈ కేక్ ఫోటోలు ప్రస్తుతం నెట్ లో హల్ చల్ చేస్తున్నాయి. మరి మీరు కూడా ఇలాంటిదేదో ప్లాన్ చెయ్యకూడదా..

*అభినవచారి*