నేడు ఏపి పది ఫలితాలు.. రేపు ఎంసెట్ రిజల్ట్స్

Posted: 05/20/2015 09:06 AM IST

ఏపి రాష్ట్రం విడిపోయిన తర్వాత తొలిసారిగా పది, ఎంసెట్ ఫలితాలు విడుదల కానున్నాయి. పదో తరగతి పరీక్షా ఫలితాలు ఈ సాయంత్రం నాలుగు గంటలకు విడుదల కానున్నాయి. ఈ ఫలితాలను రాష్ట్ర మానవవనరుల శాఖ మంత్రి గంటా శ్రీనివాసరావు విశాఖలోని ఆంధ్రా యూనివర్శిటీ వైవిఎస్ ఆడిటోరియంలో విడుదల చేయనున్నారు. టెన్త్ ఫలితాలను మధ్యాహ్నం 12 గంటలకు విడుదల చేయాలని తొలుత నిర్ణయించారు. అయితే మంత్రి గంటా శ్రీనివాసరావు డ్వాక్రా మహిళల రుణ మాఫీకి సంబంధించి అత్యవసర సమావేశంలో పాల్గొనవలసి ఉన్నందువలన ఫలితాలను సాయంత్రం విడుదల చేస్తున్నారు.

రాష్ట్రంలో ఇంజనీరింగ్, మెడికల్ కోర్సుల ప్రవేశాల కోసం నిర్వహించే ఎంసెల్ ఫలితాలను రేపు విడుదల చెయ్యడానికి అధికారులు సన్నాహాలు చేశారు.  ఎపి ఎంసెట్-2015 ఫలితాలను కాకినాడ జెఎన్‌టియులో గురువారం విడుదల చేయనున్నారు. వర్సిటీలో ఉదయం 11.30 గంటలకు రాష్ట్ర మానవ వనరులు, విద్యాశాఖ మంత్రి గంటా శ్రీనివాసరావు ఎంసెట్ ఫలితాలను విడుదల చేస్తారు. కార్యక్రమానికి రాష్ట్ర ఉన్నత విద్యా మండలి అధ్యక్షుడు ఆచార్య లక్కసాని వేణుగోపాలరెడ్డి, జెఎన్‌టియుకె విసి, ఎంసెట్-2015 ఛైర్మన్ ఆచార్య విఎస్‌ఎస్ కుమార్ తదితరులు హాజరవుతారని ఎంసెట్ కన్వీనర్ సాయిబాబా తెలిపారు.

*అభినవచారి*