మిస్టరీగా మారిన ఓ వివాహిత మృతి..!

Posted: 10/12/2015 11:18 AM IST

ఇటీవలకాలంలో వివాహిత మహిళలు మృతి చెందుతున్న ఘటనలు పెరుగుతూ వస్తున్నాయి. కట్నం వేధింపులు, కుటుంబ కలహాలు, వివాహేతర సంబంధాలు.. ఇంకా ఎన్నో కారణాల నడుమ చాలామంది వివాహిత మహిళల మరణాలు వెలుగులోకి వస్తున్నాయి. ఇప్పుడు తాజాగా ఓ వివాహిత మృతిచెందిన ఘటన ఎన్నో అనుమానాలకు తావిస్తోంది. నిన్నటిదాకా అంతరితో సౌఖ్యంగా పలకిరస్తూ వుండే ఓ మహిళ ఒక్కసారిగా శవమై కనిపించడంతో ఆ ప్రాంతంలో విషాద ఛాయలు అలుముకున్నాయి.

పూర్తి వివరాల్లోకి వెళ్తే.. పశ్చిమ గోదావరి జిల్లాలోని నర్సాపురంలో వుండే కమల అనే మహిళకు అదే ప్రాంతానికి చెందిన ఓ వ్యక్తితో వివాహం అయ్యింది. తొలుత కొన్నాళ్లు వీరి దాంపత్య జీవితం సంతోషంగానే సాగింది. కానీ.. ఇంతలోనే కమల నర్సాపురం రైల్వేస్టేషను రోడ్డులో అనుమానాస్పద స్థితిలో మరణించింది. సమాచారం తెలుసుకున్న మృతురాలి కుటుంబ సభ్యులు.. భర్తే కమలను చంపాడని ఆరోపించారు. దీంతో పోలీసులు వచ్చి దర్యాప్తు ఆరంభించారు. ఇందులో భాగంగా కమలది హత్య అని పోలీసులు తేల్చి చెప్పేశారు. అయితే.. ఈమె హత్య వెనుక అసలు కారణం ఏంటి? అనే విషయమై విచారణ ప్రారంభించారు. భార్యాభర్తల మధ్య విభేదాలేమైనా వున్నాయా? లేదా ఎవరైనా దుండగులు ఈమెను హతమార్చారా? అనే విషయాలపై పోలీసులు దర్యాప్తు చేపట్టారు. మిస్టరీగా మారిన ఈ మృతి కేసు తీవ్ర సంచలనం సృష్టిస్తోంది.

AS