మీరు అన్నంత మాత్రాన డౌన్ అవుతానా..? బాబు

Posted: 12/18/2015 04:36 PM IST

I dont get down on their slogans said chandrababu

ఏపి అసెంబ్లీలో తీవ్ర దుమారం రేగింది. అటు ప్రతిపక్షం. ఇటు పాలకపక్షాలు ఒకరి మీద మరొకరు దుమ్మెత్తిపోసుకున్నారు. రాష్ట్రంలో నిప్పురాజేసిన కాల్ మనీ వ్యవహారం మీద చంద్రబాబు సర్కార్ ను తీవ్ర ఇబ్బందుల్లో పడేస్తున్నారు ప్రతిపక్ష నాయకులు. అసెంబ్లీ రెండో రోజు కూడా కాల్ మనీ మీద చర్చించాలంటూ.. స్పీకర్ పోడియం వద్దకు చేరి.. సిఎంకు వ్యతిరేకంగా నినాదాలు చేశారు. జగన్ మోహన్ రెడ్డి కాల్ మనీ మీద సిఎం ప్రకటన కన్నా ముందు చర్చకు అవకాశం ఇవ్వాలని స్పీకర్ ను కోరారు. అయితే స్పీకర్ వారి వినతిని అంగీకరించలేదు. అయితే చంద్రబాబు నాయుడు ప్రభుత్వం తరఫున ప్రకటన చేసే సమయంలో ప్రతిపక్ష నాయకులు స్పీకర్ పోడియం వద్ద ఆందోళన చేపట్టారు.

కాల్ మనీ వ్యవహారం మీద ప్రభుత్వం స్పష్టంగా ఉందని చంద్రబాబు నాయుడు ప్రకటించారు. మొత్తం 1 కేసు వైసీపీ నాయకుల మీదనే ఉన్నాయని వెల్లడించారు. దోషులు ఎవరైనా కూడా వారిని వదిలిపెట్టే ఛాన్సేలేదని అన్నారు. అంబేద్కర్ గురించి మాట్లాడాల్సిన సమయంలో కూడా ప్రతిపక్షాలు నిరసన తెలపడం ఏంటని మండిపడ్డారు. అయితే తాను మాట్లాడుతున్న సమయంలో ప్రతిపక్ష నాయకులు తన వైపుకు దాడికి రావడం మీద ఆయన ఆగ్రహం వ్యక్తం చేశారు. సాక్షాత్తు ఓ రాష్ట్ర ముఖ్యమంత్రి మీదనే ప్రతిపక్ష నాయకులు దాడికి ప్రయత్నించడం ఏంటని ప్రశ్నించారు. కాల్ మనీ వ్యవహారంలో ఏ పార్టీ వాళ్లు ఉన్నా కానీ వదిలిపెట్టేది లేదని అన్నారు. ప్రతిపక్షాలు డౌన్ డౌన్ అని అన్నంత మాత్రాన తాను డౌన్ కానని కూడా చంద్రబాబు నాయుడు ఈ సందర్భంగా స్పష్టం చేశారు.

*అభినవచారి*