టిటిడిపి ఖేల్ ఖతం!

Posted: 03/10/2016 10:18 AM IST

తెలంగాణ టిడిపిలో కలకలం మొదలైంది. టిఆర్ఎస్ ఆకర్ష్ కు తెలుగు తమ్ముళ్లు బారీగా చేరుతున్నారు. ఇప్పటికే బారీ బలాన్ని పోగొట్టుకున్న తెలుగుదేశం తెలెంగాణ శాఖ ప్రస్తుతం అంపశయ్య మీద ఉన్నట్లు కనిపిస్తోంది. టిటిడిపి ఎమ్మెల్యేల బలం అంతకంతకు తగ్గుతూ చివరకు మూడుకు చేరనుంది. కాగా మిగతా ముగ్గురిలో ఇద్దరు సీబీఐ కేసులో ఇరుక్కోగా.. మరొకరు అంటిముట్టనట్టుగా ఉన్నారు. అయితే కారెక్కిన మెజార్టీ ఎమ్మెల్యేలంతా తమను టీఆర్ఎస్ లో విలీనం చేయాలని స్పీకర్ కు మొరపెట్టుకుంటున్నారు.

తాజాగా మరో ఇద్దరు ఎమ్మెల్యేలు అరికపూడి గాంధీ, మాగంటి గోపినాథ్ కూడా కారులో షికారుకు రెడీ అయ్యారు. రేపు అధికారికంగా టీఆర్ఎస్ తీర్థం పుచ్చుకోబోతున్నారు. అయితే అసెంబ్లీలో తమను టీఆర్ఎస్లో విలీనం చేయాలని ఇప్పటికే ఎర్రబెల్లి బృందంలోని పదిమంది ఎమ్మెల్యేలు సంతకాలు చేసి స్పీకర్ కు లేఖ ఇచ్చారు. ఇక రేపు గులాబీగూటికి చేరబోతున్న అరికపూడిగాంధీ, మాగంటి గోపినాథ్ లు కూడా వీరికి తోడయ్యారు. తమను టీఆర్ఎస్ పార్టీలో విలీనం చేయాలని సభాపతికి లేఖ రాశారు.