ఔను.. నేను ప్రత్యూషను కొట్టాను.. రాహుల్ మాజీ ప్రియురాలు

Posted: 04/14/2016 02:36 PM IST

బుల్లితెర హీరోయిన్ ప్రత్యూష బెనర్జీ అనుమానాస్పద మరణం తరువాత ఎక్కడ చర్చ జరిగినా, రాహుల్ రాజ్ సింగ్ మాజీ ప్రేయసి సలోనీ శర్మ పేరు వినిపిస్తూనే ఉంది. అమె ప్రత్యూషపై దాడి చేసిందని, ప్రత్యూష అత్మహత్య కేసులో అమె ప్రమేయం కూడా వుందని వార్తలు పతాక శీర్షికలుగా మారుతున్న క్రమంలె అమె ఈ మొత్తం ఘటనపై ఆమె తొలిసారిగా నోరు స్పందించారు. ఓ ఆంగ్ల దినపత్రికకు ఇంటర్వ్యూ ఇస్తూ, ఔను నేను ప్రత్యూషను కోట్టాను, అది కేవలం ప్రతీకార దాడి మాత్రమేనని చెప్పారు. తనపై రాహుల్ రాజ్ సింగ్, ప్రత్యూషలు దాడి చేసిన తరువాతే తాను వారిపై దాడికి పాల్పడ్డానని అంగీకరించారు.

ఫిబ్రవరి 11న రాహుల్ అక్కడ ఉన్నాడని తెలుసుకుని, తాను కాండివ్లీ అపార్టు మెంటుకు వెళ్లానని ఆనాటి ఘటనలను గుర్తు చేసుకున్నారు. "నేను రాహుల్ కు ఇచ్చిన డబ్బును ఆయన ప్రత్యూషకు ఇచ్చాడు. తిరిగి డబ్బు చెల్లించాలంటే రాహుల్ వినలేదు. దాంతో నాకు కోపం వచ్చి డబ్బు కోసం నిలదీసేందుకు అక్కడికి వెళ్లాను. నన్ను చూడగానే రాహుల్, ప్రత్యూషలు రెచ్చిపోయారు. ఇద్దరూ కలసి దాడి చేశారు. ఫ్లాట్ బయటకు నన్ను నెట్టేశారు. కోపంతో నేను ఆమెను కొట్టాను" అని సలోనీ శర్మ చెప్పారు.

అయితే ప్రత్యూషపై చేయి చేసుకున్న అంశాన్ని పెద్దదిగా చేసి చూపడాన్ని, అమె ఆత్మహత్యకు తనకు లెంకపెట్టడాన్ని అమె తప్పుబట్టారు, తన డబ్బు తిరిగి చెల్లించమని అడిగేందుకు మాత్రమే తాను రాహుల్ కోసం వెళ్లగా అక్కడ అనుకోకుండా గొడవ జరిగిందని చెప్పారు. ఆ వేంటనే తాను స్థానిక పోలీసు స్టేషన్ కు వెళ్లి కేసు పెట్టగా, వారిద్దరూ వచ్చి తనను బతిమాలుకున్నారని, పోలీసులు కూడా, ప్రజల దృష్టిలో పడాల్సి వస్తుందని హెచ్చరించడంతో కేసు ఉపసంహరించుకున్నట్టు తెలిపారు. మొత్తం ఉదంతంపై పోలీసులకు స్టేట్ మెంట్ ఇచ్చానని సలోనీ శర్మ తెలిపారు. అంతేకానీ ప్రత్యూషతో తనకు వ్యక్తిగత విభేధాలు ఏమీ లేవని సలోనీ శర్మ తెలిపారు

మనోహర్