ఆర్డినెన్స్ ఫ్యాక్టరీలో 4805 ఉద్యోగాల భర్తీ.. అప్రెంటీస్ నోటిఫికేషన్

Posted: 10/31/2019 01:40 PM IST

Ordnance factory recruitment centre to recruit 4805 apprentice posts

నిరుద్యోగులకు మరో శుభవార్త. రక్షణ శాఖకు చెందిన ఆర్డినెన్స్ ఫ్యాక్టరీ బోర్డు-OFB భారీగా ఉద్యోగాల భర్తీ చేపడుతోంది. ఆర్డినెన్స్ ఫ్యాక్టరీ బోర్డుకు చెందిన ఆర్డినెన్స్ ఫ్యాక్టరీ రిక్రూట్‌మెంట్ సెంటర్-OFRC మొత్తం 4,805 అప్రెంటీస్ పోస్టుల భర్తీకి త్వరలో నోటిఫికేషన్ విడుదల చేయనుంది. ఈ నియామక ప్రక్రియకు సంబంధించి ప్రస్తుతం షార్ట్ నోటిఫికేషన్ విడుదల చేసింది. షార్ట్ నోటిఫికేషన్‌లోని వివరాల ప్రకారం ఆర్డినెన్స్ ఫ్యాక్టరీ బోర్డ్ స్కిల్ ఇండియా మిషన్‌లో భాగంగా 4805 అప్రెంటీస్ పోస్టులను భర్తీ చేయనుంది.

వీటిలో నాన్-ఐటీఐ అప్రెంటీస్ పోస్టులతో పాటు ఐటీఐ అప్రెంటీస్ పోస్టులు కూడా వున్నాయి. ఈ రెండు కేటగిరీలో 56వ బ్యాచ్ ట్రేడ్ అప్రెంటీస్ పోస్టుల్ని ఆర్డినెన్స్ ఫ్యాక్టరీ రిక్రూట్‌మెంట్ కేంద్రం భర్తీ చేస్తోంది. దేశంలోని వేర్వేరు ప్రాంతాల్లో ఉన్న ఆర్డినెన్స్ & ఆర్డినెన్స్ ఎక్యూప్‌మెంట్ ఫ్యాక్టరీల్లో వీరిని నియమించనుంది. ఆర్డినెన్స్ ఫ్యాక్టరీలో అప్రెంటీస్ పోస్టుల భర్తీకి రిలీజ్ చేసిన OFRC Recruitment 2019: నోటిఫికేషన్ వివరాలివే...

* మొత్తం అప్రెంటీస్ ఖాళీలు- 4805
** నాన్-ఐటీఐ అప్రెంటీస్ పోస్టులు- 1595
** ఐటీఐ అప్రెంటీస్ పోస్టులు- 3210
విద్యార్హత-
* నాన్ ఐటీఐ కేటగిరీ పోస్టులకు 10వ తరగతి లేదా తత్సమాన పరీక్ష 50% మార్కులతో పాస్ కావాలి. మ్యాథ్స్, సైన్స్‌లో 40% మార్కులు ఉండాలి.
* ఐటీఐ కేటగిరీ పోస్టులకు సంబంధిత ట్రేడ్‌లో ఐటీఐ పాస్ కావాలి.
* వయస్సు- 15 నుంచి 24 ఏళ్లు.
ఈ ఉద్యోగాలకు సంబంధించి డీటెయిల్డ్ నోటిఫికేషన్ విడుదల కావాల్సి ఉంది. ఆర్డినెన్స్ ఫ్యాక్టరీ బోర్డు-OFB అధికారిక వెబ్‌సైట్‌ http://www.ofb.gov.in ఓపెన్ చేసి ‘News & Announcements’ సెక్షన్ లో నోటిఫికేషన్‌ రిలీజ్ అవుతుంది. దరఖాస్తు ప్రక్రియ డిసెంబర్ చివరి వారంలో ప్రారంభమయ్యే అవకాశముంది. ఆసక్తిగల అభ్యర్థులు అధికారిక వెబ్‌సైట్ ఫాలో అవుతుండాలి.