Posted: 10/22/2012 05:08 PM IST

తెలంగాణపై సాగదీస్తే కాంగ్రెస్‌ను పాతరేస్తాం.. ,టీఆర్‌ఎస్ శాసనసభాపక్ష ఉపనేత తన్నీరు హరీశ్‌రావుకాంగ్రెస్, టీడీపీ నాయకులు.. తెలంగాణ ద్రోహులు .. చర్చలు చర్చలే పోరాటం పోరాటమే ,తెలంగాణపై వైఖరి ప్రకటించని ఏ పార్టీలనైనా ప్రజలు నిలదీస్తారు.తెలంగాణ జిల్లాల్లో పాదయాత్ర చేసే నైతికత చంద్రబాబుకు లేదు. చర్చలు, సంప్రతింపుల పేరుతో తెలంగాణ అంశాన్ని ఇంకా సాగదీస్తే ప్రజలు సహించరని, కాంగ్రెస్‌ను పాతరపెట్టి ప్రత్యేక రాష్ట్రం సాధించుకుంటారని టీఆర్‌ఎస్ శాసనసభాపక్ష ఉపనేత తన్నీరు హరీశ్‌రావు స్పష్టం చేశారు. రెండువారాల్లో మంచి మాటతో ప్రత్యేక రాష్ట్రం ఇస్తే తీసుకుంటాం లేకుంటే మరో ఉద్యమాన్ని చేపట్టి కాంగ్రెస్‌ను పాతరేసి సాధించుకొని తీరుతామన్నారు. ఉప్పెనలా ఉద్యమాన్ని కొనసాగిస్తామని స్పష్టం చేశారు. ఆయన వరంగల్ జిల్లా దేవరుప్పుల మండలం చినమడూరులో తెలంగాణ తల్లి విగ్రహాన్ని ఆవిష్కరించారు. ఈ సందర్భంగా జరిగిన సభలో, జనగామలో విలేకరుల సమావేశంలో ఆయన మాట్లాడారు. తెలంగాణ ఏర్పాటుపై డెడ్‌లైన్ లేదంటూ గులాంనబీ ఆజాద్ వ్యాఖ్యానించడాన్ని హరీశ్‌రావు నిరసించారు. ఢిల్లీలో టీఆర్‌ఎస్ అధినేత కేసీఆర్ చర్చలు జరిపారని, అయితే చర్చలు చర్చలే పోరాటం పోరాటమే అని ఆయన వ్యాఖ్యానించారు. తెలంగాణపై స్పష్టమైన వైఖరి ప్రకటించకుండా ఈ గడ్డపై కాలుమోపే ఏ పార్టీలనైనా.. సోనియా, చంద్రబాబు, షర్మిల, జగన్ ఎవరినైనా టీఆర్‌ఎస్‌తోసహా తెలంగాణ ప్రజలు అడ్డుకుని నిలదీస్తారని అన్నారు. తెలంగాణపై వైఖరి స్పష్టం చేసిన సీపీఐ నేత నారాయణను ప్రజలు గుండెలకు హత్తుకుంటున్నారని, తమకు పార్టీలు, ప్రాంతాలు, వ్యక్తులు టార్గెట్ కాదని చెప్పారు.