పేస్ బుక్ ఎకౌంట్లు మూసేయండి?

Posted: 09/19/2013 10:55 AM IST

ఈ రోజుల్లో చిన్న, పెద్ద అని వయసు తేడా లేకుండా ప్రతి ఒక్కరికి ఎకౌంట్లు ఉంటున్నాయి. ఒక ఇంట్లో ఎంత మంది కుటుంబ సభ్యులు ఉంటే, అంత మందికి ఎకౌంట్లు ఉంటున్నాయి. అంటే ఇవి బ్యాంక్ ఎకౌంట్ మాత్రం కాదులేండి. స్కూల్ కు వెళ్లే పిల్లావాడి నుండి.. వయసు ముదిరిన పండు ముసలివాడు వరకు ఈ ఎకౌంట్ ఉండటం తప్పని సరి. ఇంతకీ ఈ ఎకౌంట్ల వల్ల వీరికి చాలా ఉపయోగం ఉంది. కానీ వీటికి ఫైసా ఖర్చు ఉండదు. కానీ బోలేడు ఎంజాయ్ మెంట్ దొరుకతుంది. ఎవరైన ప్రీగా ఎంజాయ్ మెంట్ దోరుకుతుంటే వద్దంటారా చెప్పండి. అయితే వీరికి పెద్ద కష్టం వచ్చి పడింది. వీరి ఎకౌంట్లు మూసివేయమని ఆర్డర్స్ వచ్చాయి. అసలు ఇంతకీ ఈ ఎకౌంట్ల గురించి చెప్పలేదు కదు.. ఈ ఎకౌంట్ మీ కూడా ఉండే ఉంటుందిలేండి? అదే.. ఫేస్ బుక్ ఎకౌంట్. బెంగళూరు స్కూల్ తల్లిదండ్రులకు వార్నింగ్ ఇవ్వటం జరిగింది. మీ పిల్లలకు ఉన్న ఫేస్ బుక్ ఎకౌంట్లను మూసివేయండని లేఖలు రాశారు.

 

ఒకటి నుంచి పదో తరగతి వరకు చదువుతున్న పిల్లల ఫేస్ బుక్ ఎకౌంట్లను మూసివేయాల్సిందని కోరుతూ బెంగళూరులోని ఒక పాఠశాల ప్రిన్సిపాల్ నోటిసులు ఇవ్వటం జరిగింది. ఫేస్ బుక్ ను మనుషుల మద్య సత్సంబంధాలు నెలకొల్పే వేదికగా ఎంత బాగా ఉపయోగించవచ్చో తమకు తెలుసని అయితే పిల్లల విషయంలో అందుకు పూర్తి భిన్నంగా జరుగుతోందని స్కూలు యాజమాన్యం ఈ లేఖలో వివరంగా పేర్కొంది. కొందరు పిల్లలు వ్యక్తిగత విమర్శలకు పాల్పడడం, హద్దులు దాటి అవహేళనలకు ఉపక్రమించడంతో తీవ్ర పరిణామాలు చోటు చేసుకుంటున్నాయని, పలువురు పిల్లలు మానసిక కుంగుబాటుకు లోనవుతున్నారని యాజమాన్యం పేర్కొంది. కొంతమంది సరదాగా భావించే మాటలు కూడా సున్నితమైన మనసులు కలిగిన పిల్లలు సీరియస్ గా తీసుకుంటారని , ఆడుతూ పాడుతూ చదువుకుని మంచి వ్యక్తిత్వాన్ని రూపొందించుకునే వయసులో పిల్లలకు ఫేస్ బుక్ అనవసరమని యాజమాన్యం పేర్కొంది. ఇక తల్లిదండ్రులు ఈ విషయం ఎలాంటి నిర్ణయం తీసుకుంటారో చూడాలి.