దేశంలో 100 స్మార్ట్ సిటీలు- వెంకయ్య

Posted: 05/28/2014 11:58 AM IST

ఈరోజు ఉదయం కేంద్ర పట్టణాభివృద్ధి మంత్రిగా బాద్యతలు చేపట్టిన వెంకయ్య నాయుడు తన ఛేంబర్ లో ఈ సందర్భంగా విచ్చేసిన తన కుటుంబ సభ్యుల సమక్షంలో మీడియా ప్రతినిధులతో మాట్లాడారు.  

దేశంలో 7935 పట్టణాలున్నాయని, దేశ జనాభాలో 43 శాతానికి పైగా నగరాల్లో నివసిస్తున్నారని, మెట్రోలలో, పట్టణాలలో రోజురోజుకీ జనాభా పెరిగిపోతున్నారని, అందువలన వారికి మౌలిక వసతులు, రవాణా వ్యవస్థ అభివృద్ధికీ పాటుపడతానని చెప్పారు.

ఈ సందర్బంగా వెంకయ్యనాయుడు దేశవ్యాప్తంగా 100 స్మార్ట్ సిటీల నిర్మాణం జరుగుతుందని అన్నారు.  స్మార్ట్ ఫోన్లు, స్మార్ట్ టివిలు వచ్చిన నేపథ్యంలో స్మార్ట్ సిటీలు కూడా ఆధునిక నగరవాసులకు అవసరమే మరి.  ఈ స్మార్ట్ సిటీల వలన నగరాలు, పట్టణాలలో ప్రస్తుతమున్న జనాభా కొంత తగ్గే అవకాశం ఉంది.  దాని వలన మౌలిక వసతులను పెంపొందించటమే కాకుండా నగరాల మధ్య రవాణా సేవలకు కూడా ఎక్కువ అవకాశం లభిస్తుంది.  రవాణా సౌకర్యవంతంగా ఉంటే దూరం ప్రయాణం చెయ్యటంలో ఇబ్బంది వుండదు.  దాని వలన నగరవాసమే చెయ్యనవసరం లేని స్థితి ఏర్పడుతుంది.

వెంకయ్యనాయుడు చేసిన వాగ్దానాలలో, 2020 నాటికి అందరికీ పక్కాఇళ్ళు, అనేకానేక శాటిలైట్ టౌన్ షిప్ లు ఉన్నాయి.

-శ్రీజ