కేసిఆర్ దెబ్బతో -హై కోర్టులో నాగార్జున!

Posted: 07/01/2014 08:54 AM IST

Kcr effect to actor nagarjun files pettition in highcourt

అక్కినేని నాగార్జున చెందిన ఆస్తులపై తెలంగాణ సర్కార్ దృష్టిపెట్టిన విషయం తెలిసిందే. దీంతో జీఎచ్ఎంసీ అధికారులు నాగార్జున సంబంధించిన ఆస్తుల చిట్టాను తెలంగాణ ముఖ్యమంత్రి కేసిఆర్ ముందు ఉంచారు. ప్రస్తుతం ఇదే మీడియాలో హాట్ టాపిక్ గా ఉంది. తెలంగాణ ముఖ్యమంత్రి కేసీఅర్ అక్రమ కట్టడాలపై చర్యలు తీసుకోవాలని ఆదేశాలు జారీ చేయడంతో అధికారులు బారీ బందోబస్తు మధ్య కూల్చివేత కార్యక్రమాన్ని కొనసాగిస్తున్నారు.

అయితే ఇదే ప్రాంతంలోని టాలీవుడ్ హీరో నాగార్జున కు చెందిన ఎన్ కన్వెన్షన్ సెంటర్ కూడా అక్రమంగా నిర్మించిందే అని వార్తలు రావడంతో అటు ఇండస్ట్రీలో ఇటు రాజకీయాలలో ఆసక్తికరమైన చర్చలు జరుగుతున్నాయి. అంతేకాకుండా జీఎచ్ఎంసీ అధికారులు ఎన్ కన్వెన్షన్ సెంటర్ ను సర్వే చేసారు. చాలా సమయం పాటు ఇక్కడ ఉన్న అధికారులు భవనం పరిసర ప్రాంతాల కొలతలు కూడా తీసుకున్నారు.

దాదాపు మూడు ఎకరాల భూమిని ఆక్రమించారని అధికారులు పేర్కొన్నట్లు సమాచారం. అయితే తాజాగా ఈ వ్యవహారంపై హీరో నాగార్జున హై కోర్ట్ ని ఆశ్రయించారు. ఎలాంటి ముందోస్తూ సమాచారం లేకుండా, ఎలాంటి నోటిసులు ఇవ్వకుండా ఎన్ కన్వెన్షన్ సెంటర్ లోకి అధికారులు అక్రమంగా చొరబడి సర్వే ఎలా చేస్తారని అయన పిటిషన్ వేసారు. నాగార్జున పిటిషన్ పై స్టేటస్ కో ఇచ్చిన హైకోర్ట్, తీర్పును గురువారం వరకు వాయిదా వేసింది.