అక్కడ జయమ్మకు నిద్ర పట్టలేదట..

Posted: 09/28/2014 11:47 AM IST

ఆదాయానికి మంచిన ఆస్తుల కేసులో బెంగళూరు నగర శివారులోని పరప్పన అగ్రహార సెంట్రల్ జైలులో అన్నా డీఎంకే అధినేత్రి, తమిళనాడు ముఖ్యమంత్రి జయలలిత రాత్రి కారాగారంలో వున్నారు. అయితే అమె రాత్రంతా నిద్రలేమితో బాధపడ్డారు. సుమారు పదేళ్ల తరువాత మళ్లీ జైలు జీవితాన్ని అమె గడుపుతున్నారు. అక్రమాస్థుల కేసులో బెంగళూరు ప్రత్యేక కోర్టు అమెకు నాలుగేళ్ల జైలు శిక్ష, రూ. 100 కోట్ల జరిమానా విధిస్తూ తీర్పు చెప్పడంతో ఆమెను సెంట్రల్ జైలుకు తరలించారు.

తీర్పు వెలువడగనే చాతినోప్పితో బాధపడిన అమెను వైద్య పరీక్షల కోసం తరలించారు. వైద్య పరీక్షలు నిర్విహించిన అనంతరం అధికారుల జయలలితను సెంట్రల్ జైలుకు తరలించారు. అక్కడ కూడా అమె నిద్ర పోలేదని, నిద్రలేమితో బాధపడ్డారని అక్కడి సిబ్బంది తెలిపారు. జైలులో 23వ నంబరు గదిని జయలలితకు కేటాయించగా, ఆ గదిలో అమె ఒక్కరే ఒంటరిగా వున్నారు. ఇదిలా ఉండగా, జయలలిత దోషిగా తేలడంతో చెన్నైలో నిన్న ఆత్మహత్య చేసుకున్న అన్నాడిఎంకె కార్యకర్త వెంకటేశన్ మృతి చెందాడు.

జి.మనోహర్