సానియా దూకుడుకి స్వర్ణంతో వెలిగిపోయిన భారత్!

Posted: 09/29/2014 08:41 PM IST

భారత టెన్నిస్ స్టార్ సానియా మీర్జా ఆసియా క్రీడల్లో బాగానే దూసుకుపోతోంది. ఇప్పటికే ఈ అమ్మడు మహిళల డబుల్స్ ప్రార్థనతో కలిసి కాంస్యం గెలిచుకుని సత్తా చాటిన విషయం తెలిసిందే! ఇప్పుడు తాజాగా మిక్స్ డ్ డబుల్ విభాగంలో అద్భుతంగా తమ ప్రతిభను ప్రదర్శించి గోల్డ్ మెడల్ ను సాధించింది. తెలుగుతేజం సాకేత్ మైనేని - సానియా మీర్జా జోడీ భారత్ కు మరో బంగారు పతకాన్ని సాధించిపెట్టింది. సోమవారం జరిగిన ఫైనల్లో చైనీస్ తైపీ జోడీని 6-4, 6-3తో ఓడించి విజేతగా నిలిచింది. దీంతో భారత్ ఖాతాలో ఇప్పుడు ఆరు స్వర్ణ పతకాలు చేరిపోయాయి.

ఇదిలావుండగా.. సాకేత్ మైనేని పురుషుల డబుల్స్ విభాగంలోనూ ఒక పతకాన్ని ఖాయం చేసుకున్నాడు. సనమ్ సింగ్ తో కలిసి ఫైనల్లో అడుగుపెట్టిన సాకేత... తుదిపోరులో విజయం సాధిస్తే మరో బంగారు పతకం అతడి, భారత్ ఖాతాలో చేరుకుంటుంది. అలాకాని పక్షంలో ఫైనల్లో ఓడినా.. వెండి పతకం ఖచ్చితంగా దక్కుతుంది. అలాగే సానియా మీర్జా కూడా దోహాలో జరిగిన 2006 ఆసియా క్రీడల్లో మిక్స్ డ్ డబుల్స్ లో గోల్డ్ మెడల్ సాధించింది. ఇప్పుడు కూడా అదే దూకుడుతో మరో బంగారు పతకాన్ని కైవసం చేసుకుంది. దీంతో ఇప్పటివరకు సానియా ఆడిన నాలుగు ఏషియన్ గేమ్స్ లో మొత్తం 9 మెడల్స్ తన ఖాతాలో వేసుకుంది. భారత్ కు అరుదైన గౌరవాన్ని దక్కించడంలో ప్రముఖపాత్రను పోషించింది.

AS