‘‘హుధుద్’’ తుపాను తాకిడికి జరిగిన నష్టం వివరాలు!

Posted: 10/15/2014 08:57 PM IST

Andhra pradesh government released the details of losses and ap due to hudhud cyclone

ఎన్నడూలేని విధంగా చాలా సంవత్సరాల తర్వాత ‘‘హుధుద్’’ తుపాన్ ఆంధ్రప్రదేశ్ రాష్ట్రాన్ని అతలాకుతలం చేసేసింది. ఇప్పటికే విభజన దెబ్బతో కోలుకోలేకపోతున్న ఏపీ.. ఇప్పుడు ఈ తుపాను దెబ్బతో ఆ రాష్ట్రానికి ఐటీ హబ్ గా వుండే విశాఖ, పర్యాటక కేంద్రంగా వుండే అరకు, ఇంకా ఇతర తీరప్రాంతాలు కకావికులైపోయి తీవ్రనష్టం వాటిల్లింది. ముఖ్యంగా తీరప్రాంతాల్లో వుండే ఉత్తరాంధ్రజిల్లాలో అధిక మొత్తంలో ఆస్తినష్టం జరిగింది. ఆ తుపాను కారణంగా సంభవించిన మొత్తం నష్టం వివరాలను ఆంధ్రప్రదేశ్ ప్రభుత్వం అధికారికంగా ప్రకటించేసింది.

తుపాను కారణంగా మొత్తం 26మంది మరణించగా, 146 మందిని సహాయకబృందాలు కాపాడినట్లు ప్రభుత్వం తెలిపింది. దాదాపు 7806 ఇళ్లు పూర్తిగా ధ్వంసం అయ్యాయని, 219 చోట్ల రోడ్లు - రైలుపట్టాలు బాగా దెబ్బతిన్నాయని అధికారులు తెలిపారు. అలాగే మొత్తం 8301 కరెంటు స్తంభాలు కూలిపోగా.. 19 చోట్ల కాల్వలకు గండ్లు పడ్డాయి. 181 బోట్లు గల్లంతయ్యాయి. 3368 పశువులు మృత్యువాతపడ్డాయి. తుపాను ప్రభావం మొత్తం 2 కోట్ల మందిపై పడిందని, వారందరికీ కావాల్సిన సదుపాయాలను అందచేయడం కోసం 223 రిలీఫ్ క్యాంపులు, 223 వైద్య శిబిరాలను ఏర్పాటు చేసినట్లు అధికారులు ఓ ప్రకటనలో వివరించారు. తుపాన్ వల్ల జరిగిన దెబ్బతిన్న జిల్లాలను తిరిగి పునరుద్ధరించాలంటే ఎక్కువ సమయంతోపాటు చాలా ఖర్చుచేయాల్సి వుంటుందని తెలుపుతున్నారు.