జు.డా.లపై నిషేధం యోచనలో సర్కారు ?

Posted: 10/27/2014 12:16 PM IST

సమ్మె చేస్తున్న జూనియర్ డాక్టర్లపై మరింత కఠినంగా వ్యవహరించాలని తెలంగాణ ప్రభుత్వం నిర్ణయించినట్లు తెలుస్తోంది. డిమాండ్ల సాధన పేరిట రోజుల తరబడి జు.డాలు సమ్మె చేయటం వల్ల రోగులు నానా ఇబ్బందులు పడుతున్నారు. రోగుల ఇబ్బందులపై ఆగ్రహంగా ఉన్న ప్రభుత్వం జు.డా.లపై కఠిన చర్యలు తీసుకునేందుకు సిద్దమవుతోందని తెలుస్తోంది. వైద్య సేవలకు డుమ్మా కొట్టినవారిపై ఏ మాత్రం జాలి చూపవద్దని ప్రభుత్వం నిర్ణయించుకుంది.

ఇందులో భాగంగానే విధులకు హాజరుకాని జుడాలకు స్కాలర్ షిప్పలు నిలిపివేయటంతో పాటు.., సమ్మలో పాల్గొన్న జుడాలపై ఆరు నెలల పాటు నిషేధం విధించాలని ప్రభుత్వం భావిస్తోంది. అయితే ఈ నిర్ణయం యునివర్సిటీ పరిధిలో ఉన్నందున ఎన్టీఆర్ హెల్త్ వర్సిటిని సంప్రదించి ఆ తర్వాత చర్యలపై నిర్ణయం తీసుకోవాలని తెలంగాణ ప్రభుత్వం భావిస్తోంది. గ్రామాల్లో వైద్య సేవల తప్పనిసరి నిబంధనకు వ్యతిరేకంగా కొన్ని రోజులుగా జుడాలు సమ్మ చేస్తున్న విషయం తెలిసిందే. గ్రామాల్లో వైద్యం చేసేందుకు తమకు ఇబ్బంది లేదనీ... అయితే శాశ్వత ప్రాతిపదికన తమకు భరోసా ఇవ్వాలని కోరుతున్నారు.

కార్తిక్