Posted: 07/23/2012 01:02 PM IST

       అనతికాలంలోనే టాలీవుడ్ ప్రేక్షకులకు దగ్గరైపోయిన కోలీవుడ్ హీరో సూర్య. తన అద్భుత నటనతో క్రేజీ హీరోగా తన కంటూ ఒక ప్రత్యేకతను సంపాదించుకున్న సూర్య,  ‘గజిని’ చిత్రం ద్వారా తెలుగు స్టార్ హీరోల సరసన చేరిపోయాడు. ఈ రోజు సూర్య పుట్టిన రోజు. తమిళ నటుడు శివకుమార్ కి సూర్య 1975 జూలై 23న సూర్య జన్మించారు. సూర్య అసలు పేరు శరవణన్ శివకుమార్, సినిమాల్లోకి వచ్చిన తర్వాత సూర్యగా పేరు మార్చుకున్నారు. 1997 లో ‘నేర్రుక్కు నెర్’ అనే చిత్రం ద్వారా తమిళ తెరకు పరిచయమయ్యారు. ఆ తర్వాత ఎన్నో సూపర్ హిట్ చిత్రాల్లో నటించారు.
       అనంతరం సూర్య ‘నంద’, ‘కాక్క కాక్క (ఘర్షణ)’, పితామగన్(శివ పుత్రుడు), ‘గజిని(గజిని )’, వేల్(దేవా), ‘వారణం ఆయిరం (సూర్య s/o కృష్ణన్)’, ‘అయన్(వీడొక్కడే)’, ‘సింగమ్(యముడు)’ మరియు ’7 ఏయం అరివు (సెవెంత్ సెన్స్) చిత్రాలతో సూర్య తమిళ మరియు తెలుగు పరిశ్రమలో మంచి పేరు తెచ్చుకున్నారు. సౌత్ ఇండియన్ చిత్రాల్లో నటించి అందరికీ పరిచయమున్న అందాల భామ జ్యోతికని సూర్య 2006లో పెళ్లి చేసుకున్నారు. సూర్యకి ఇప్పుడు దియా అనే ఒక పాప, ఇంకా..  దేవ్ అనే ఒక బాబు ఉన్నారు. ప్రస్తుతం సూర్య కే.వి ఆనంద్ దర్శకత్వంలో తెరకెక్కుతున్న ‘మాట్రాన్’ చిత్రంలో మన బర్త్డే హీరో నటిస్తున్నారు. అంతేకాదు తెలుగులో ‘డూప్లికేటు’ గా అనువదిస్తున్న ఈ చిత్రం ద్వారా త్వరలోనే మనల్ని అలరించేందుకు రెడీ అవుతున్నాడు. ఈ చిత్రం తర్వాత సింగం 2 చిత్ర చిత్రీకరణలో సూర్య పాల్గొంటారు. తన నటనతోనే కాదు, వ్యక్తిత్వం ద్వారాకూడా తెలుగు ప్రేక్షకుల మనుసు దోచుకున్న సూర్య మరెన్నో బ్లాక్ బస్టర్ చిత్రాలు అందించాలని ఆంధ్రావిశేష్ ఆకాంక్షిస్తూ ఆయనకు జన్మదిన శుభాకాంక్షలు చెబుతోంది.. హ్యాపీ బర్త్డే సూర్య...

...avnk