రాజమౌళి రంగేసుకోవడం లేదు

Posted: 05/22/2013 07:10 PM IST

టాలీవుడ్ దర్శకధీరుడు జక్కన్న తాను ప్రతిష్టాత్మకంగా రూపొందించబోయే ‘బహుబలి ’ సినిమాలో ఓ పాత్ర పోషించబోతున్నాడనే వార్త అంతర్జాలంలో వ్యాపించిన విషయం తెలిసిందే. దీనికి కారణం కూడా లేకపోలేదు. భారీ మీసాలు పెంచి, ఢిఫరెంటు లుక్ తో ఉన్న ఉన్న ఫోటో ఒకటి నెట్ లో కనిపించడం, బహుబలి సినిమా కోసమే పెంచాడని టాక్ రావడంతో ఈయన తొలి సారిగా ముఖానికి రంగేసుకుంటున్నాడని అనుకున్నారు. అయితే ఈ వార్తల పై తాజాగా ఆయన ట్విట్టర్ లో క్లారిటీ ఇచ్చారు. బాహుబలి సినిమాలో తాను నటించడం లేదని స్పష్టం చేసారు. నెట్లో చక్కర్లు కొడుతున్న ఫోటో 3 సంవత్సరాల క్రితం దిగినది అని స్పష్టం చేసారు. ఇక బహులి సినిమా విషయానికి వస్తే ఈ సినిమా ప్రీ ప్రొక్షన్ పనులు పూర్తి చేసుకొని సెట్స్ పైకి వెళ్లడానికి సిద్ధం అయింది. ఈ సినిమా వర్కింగ్ టైటిల్ బహుబలి అని, మెయిన్ టైటిల్ ‘మహాబలి ’ అని అంటున్నారు. మరి ఇఫ్పటికైనా జక్కన్న పై వస్తున్న వార్తలకు పుల్ స్టాప్ పడుతుందో చూడాలి.