పవన్ కళ్యాణ్ ఎందుకు హ్యాండ్ ఇచ్చాడంటే ?

Posted: 01/05/2014 12:11 PM IST

నిన్నటి వరకు నేడు శిల్ప కళా వేదికలో అంగరంగ వైభవంగా మెగా హీరో పవన్ కళ్యాణ్ సమక్షంలో మేనల్లుడు సాయిధరమ్ తేజ్ నటించిన ‘రేయ్ ’ పాటలను విడుదల చేయాలని దర్శక నిర్మాత అయిన వైవీయస్ చౌదరి ప్లాన్ చేసి దానికి తెగ ప్రచారం చేయడమే కాకుండా, అన్ని ఏర్పాట్లు కూడా చేశాడు. తీరా ఇప్పుడు ఆ ఆడియో విడుదల కార్యక్రమం వాయిదా పడింది.

కారణం పవన్ కళ్యాణ్ చివరి నిమిషంలో హ్యాండ్ ఇవ్వడమే.  ఈ కార్యక్రమం ఎందుకు వాయిదాపడిందన్న దానికి సరైన సమాధానం లేనప్పటికీ, పవన్ కల్యాణ్ వేరే పనులలో బిజీగా వుండడం వల్లే పోస్ట్ పోన్ చేశారని అంటున్నారు. పవన్ కళ్యాణ్ ఎప్పుడు టైమిస్తే అప్పుడే ఆడియోను విడుదల చేయాలని భావిస్తున్నాడు చౌదరి. మరి పవన్ కళ్యాణ్ ఉన్నట్లుండి చివర్లో ఎందుకు హ్యాండ్ ఇచ్చాడనే దాని పైనే ఇప్పుడు ఇండస్ట్రీలో చర్చ జరుగుతుంది.

దీని పై టాలీవుడ్ జనాలు ఏమనుకుంటున్నారంటే.... గత కొద్ది రోజుల నుండి పవన్ కళ్యాణ్ మూడో పెళ్లి హాట్ టాపిక్ అయిన నేపథ్యంలో ఈ ఆడియోకి వస్తే మూడో పెళ్లి గురించి అడుగుతారని, ఎందుకు చేసుకోవాల్సి వచ్చిందనే దాని పై వివరణ ఇచ్చుకోవాల్సి వస్తుందని, ఒకవేళ తాను నోరు విప్పితే ఇప్పటి వరకు తన పై ఉన్న అభిమానం పోయి ఆగ్రహం చవిచూడాల్సి వస్తుందని భావించిన ఆయన ఈ ఆడియోకి రాకుండా ఉండటమే మంచిదని చివరి నిమిషంలో హ్యాండ్ ఇచ్చాడని అనుకుంటున్నారు.

ప్రస్తుతం ఎటువంటి సినిమాలు లేకుండా ఖాళీగా ఉన్న పవన్ ఏదో పనుల వల్ల బిజీగా ఉండటం ఒట్టిమాటేనని అంటున్నారు. ఇక ఈ చిత్రాన్ని ఫిబ్రవరి 5వ తేదీన విడుదల చేయడానికి ప్లాన్ చేస్తున్నాడు. మరి ఆ లోపు పవన్ టైమిస్తాడో లేదో ?