కొత్త దర్శకుడితో కమీట్ అయ్యాడు

Posted: 03/06/2014 12:22 PM IST

టాలీవుడ్ లోకి కమేడియన్ గా ఎంట్రీ ఆ తరువాత ఎంతో కష్టపడి హీరో స్థాయికి వచ్చిన సునీల్ హీరోగా తనకంటూ ఓ ప్రత్యేక గుర్తింపును తెచ్చుకున్నాడు. ఇప్పటి వరకు తాను చేసిన చిత్రాలన్ని ఫర్వాలేదనిపించాయి. కానీ ఇటీవల వచ్చిన ‘భీమవరం బుల్లోడు ’ మాత్రం అనుకున్న స్థాయిలో హిట్టుకాలేక పోవడంతో దీని పై ఎన్నో ఆశలు పెట్టుకున్న సునీల్ ఏ మాత్రం నిరాశ చెందకుండా కొన్ని జాగ్రత్తలు తీసుకుంటూ మరో కొత్త సినిమాకు సైన్ చేశాడని అంటున్నారు. 

ఇప్పటి వరకు కాస్తంత అనుభవం ఉన్న దర్శకుల దర్శకత్వంలో పనిచేసిన సునీల్ ఈ సారి కొత్త దర్శకుడికి అవకాశం ఇస్తున్నాడని తెలుస్తుంది. తాను చేయబోయే ఈ కొత్త ప్రాజెక్టు ద్వారా విక్కీ అనే దర్శకుడు వెండితెరకు పరిచయం కాబోతున్నాడట. ఈ చిత్రాన్ని శ్రీ లక్ష్మీ నరసింహా ప్రొడక్షన్స్ బ్యానర్ పై నల్లమలుపు బుజ్జి దీనిని నిర్మిస్తాడట. త్వరలోనే ఈ సినిమా సెట్స్ పైకి రానున్నట్టు సమాచారం. దీనికి సంబంధించిన పూర్తి వివరాలు త్వరలో అందిస్తాం.

Knr