మే 3న బర్నింగ్ స్టార్ సింగం 123 పాటలు విడుదల

Posted: 04/29/2015 11:57 AM IST

బర్నింగ్ స్టార్ సంపూర్నేష్ బాబు ‘హృదయకాలేయం’ సినిమాతో భారీ క్రేజ్ ను సంపాదించుకుంటే.. ఈసారి రెండు సినిమాలతో ముందుకు రాబోతున్నాడు. సంపూ హీరోగా ప్రస్తుతం రెండు, మూడు చిత్రాలు తెరకెక్కుతున్నాయి. అందులో ఒకటి ‘సింగం 123’.

కలెక్షన్ కింగ్ డా.మోహన్ బాబు సమర్పణలో 24 ఫ్రేమ్స్ ఫ్యాక్టరీ బ్యానర్ పై హీరో మంచు విష్ణు ఈ చిత్రాన్ని నిర్మిస్తున్నారు. ఇందులో పవర్ ఫుల్ పోలీస్ ఆఫీసర్ గా సంపూ కనిపించనున్నాడు. అక్షత్ అజయ్ శర్మ దర్శకత్వంలో తెరకెక్కుతున్న ఈ చిత్ర షూటింగ్ చివరి దశకు చేరుకుంది.

ఇటీవలే విడుదలై ట్రైలర్ కు భారీ రెస్పాన్స్ వస్తుంది. ఇందులో సంపూ చెప్పిన డైలాగులు అదరగొడుతున్నాయి. శేషు సంగీతం అందిస్తున్న ఈ చిత్ర ఆడియో విడుదల కార్యక్రమాన్ని మే నెల 3వ తేదిన సిద్ధిపేటలో ఘనంగా చేయనున్నారు. ఈ కార్యక్రమానికి మంచు ఫ్యామిలీ ప్రత్యేక అతిథులుగా విచ్చేయనున్నారని సమాచారం.

మరి ఈ సినిమా సంపూకి ఎలాంటి విజయాన్ని అందించనుందో త్వరలోనే తెలియనుంది. అలాగే సంపూ నటిస్తున్న ‘కొబ్బరిమట్ట’ చిత్రం కూడా విడుదలకు సిద్ధమవుతుంది. త్వరలోనే ఈ చిత్రం కూడా ప్రేక్షకుల ముందుకు రానుంది.