బన్నీ డీజేపై బాహుబలి ఎఫెక్ట్

Posted: 05/09/2017 04:09 PM IST

Bunny dj release postponed with baahubali 2

స్టైలిష్ స్టార్ అల్లు అర్జున్ నటించిన దువ్వాడ జగన్నాథమ్ పోస్ట్ పోన్ కావటం వెనుక క్లైమాక్స్ కుదరకపోవటమేనని ఇన్నాళ్లూ చెప్పుకున్నాం. డీజే స్క్రిప్ట్ విషయంలో కొంత పోర్షన్ ను స్వయంగా బన్నీనే దగ్గరుండి మరీ రీ షూట్ చేయిస్తున్నాడన్న టాక్ కూడా నడిచింది. కానీ, దీనివెనుక అసలు రీజన్ అంటూ ఇప్పుడు కొత్త కహానీ వినిపిస్తున్నారు కొందరు.

మే 19 నుంచి జూన్ 23 కి పోస్ట్ పోన్ కావటానికి కారణం బాహుబలి ది కంక్లూజనే నంట. రాజమౌళి అందించిన ఈ విజువల్ గ్రాండియర్ వచ్చిన వారాల వ్యవధిలోనే దువ్వాడ వస్తే జనాలు అంతగా కనెక్ట్ అయ్యే ఛాన్స్ ఉంటుందో ఉండదోనన్న భయంతోనే నిర్మాత దిల్ రాజు స్వయంగా బన్నీ, దర్శకుడు హరీష్ తో చెప్పి మరీ సినిమాను వాయిదా వేయించినట్లు సమాచారం. ఇప్పుడు ఫలితం తర్వాత వాళ్ల డెసిషన్ మంచి పనే చేసిందని అనుకుంటున్నారు.

ఇంకా నెల టైం ఉండటంతో ఈ లోపు హెవీ యాక్షన్ అండ్ కామెడీ డోస్ ను యాడ్ చేసేందుకు యత్నిస్తున్నట్లు తెలుస్తోంది. స్టైలిష్ స్టార్ లాంటి క్రేజ్ ఉన్న స్టార్ ఉన్నప్పటికీ కథలో మార్పులు చేయాల్సిందేనని అనుకుంటున్నారంటే.. అందుకు కారణం బాహుబలి ముందు ప్రతీది చిన్నదేనన్న భావనలో టాలీవుడ్ అభిప్రాయంకు రావటమే. త్వరలోనే డీజే ఆడియోను డైరక్ట్ గా మార్కెట్ లోకి వదిలి జూన్ రెండో వారంలో ప్రీ రిలీజ్ పంక్షన్ నిర్వహించనున్నారు.