డీజే చీఫ్ గెస్ట్ వస్తున్నాడా? లేదా?

Posted: 06/10/2017 11:17 AM IST

చెప్పను బ్రదర్.. అంటూ అల్లు అర్జున్ పేల్చిన డైలాగు మెగా అభిమానుల్లో(పవన్ ఫ్యాన్స్) నుంచి చాలా వరకు చిరాకు తెప్పించిందనే చెప్పాలి. ఆ దెబ్బకు కాస్త గ్యాప్ కూడా పెరిగిందనే చెప్పాలి. తరచూ మెగా ఈవెంట్లకు డుమ్మా కొట్టినా చిరుపై ప్రేమతో ఖైదీ నంబర్ 150కి మాత్రం అటెండ్ అయ్యాడు బన్నీ. చిరుకు కూడా స్లైలిష్ స్టార్ తో ఉన్న బాండింగ్ తో ప్రతీ ఈవెంట్ కు హాజరవుతుంటాడు. రేపు దువ్వాడ జగన్నాథమ్ ఆడియో రిలీజ్ కు శిల్ప కళావేదిక సిద్ధమౌతోంది. అయితే చిత్రానికి చీఫ్ గెస్ట్ లు ఎవరన్న దానిపై కాస్త సస్పెన్స్ మాత్రం నెలకొంది.

చిరు చైనా టూర్ నేపథ్యంలో దీనికి ఎవరినీ ఆహ్వానించే ఉద్దేశంలో బన్నీ లేడని వార్తలు వచ్చాయి. అయితే ఇప్పుడు మెగాస్టార్ హైదరాబాద్ కి తిరిగి వచ్చేయటం, డీజే ఆడియో వేడుకకు హాజరవుతాడన్న సంకేతాలు అందుతున్నాయి. ఇప్పటికే దిల్ రాజు చిరును సంప్రదించటం, ఆయన ఓకే చెప్పటం జరిగిపోయాయంట. సో.. జూన్ 11న చిరు వచ్చేస్తున్నాడు.

దేవీ స్వరాలు అందిస్తున్న ఈ చిత్రంలో పూజా హెగ్డే హీరోయిన్. రావు రమేష్ నెగటివ్ రోల్ మరోసారి హైలెట్ అయ్యే ఛాన్సుందని చెబుతున్నారు. హరీష్ శంకర్ దర్శకత్వంలో రూపొందిన ఈ కామెడీ అండ్ యాక్షన్ ఎంటర్ టైనర్ జూన్ 23న రిలీజ్ కానుంది.