వామ్మో..! అల్లు అర్జున్ ను బె అంటున్న క్యూటీ..

Posted: 03/02/2020 05:14 PM IST

టాలీవుడ్‌ స్టైలిష్ స్టార్‌ అల్లు అర్జున్ నటించిన తాజా చిత్రం అల వైకుంఠపురంలో బాక్సాఫీసును షేక్ చేసే విధంగా వసూళ్లను రాబబుతూనే వుంది. ఇక ఈ చిత్రం ఇటీవలే అర్థశతదినోత్సవాన్ని కూడా పూర్తి చేసుకుంది. ఈ సినిమా విడుదలకు ముందే ఈ చిత్రంలోని రాములో రాములా పాటలో అల్లు అర్జున్ వేసింది దోసె స్టెప్పు అని క్యూట్ గా చెప్పిన ఆయన తనయ అర్హ.. ఇక తాజాగా తండ్రిని సరదాగా తిట్టేసింది. ఎలాంటి తండ్రైయినా తమ గారాల పట్టి ఎలా పిలిచినా అమెతో సరదాగా అల్లరి చేస్తూ.. వాళ్లూ కూడా చిన్నపిల్లలుగా మారిపోతారు.  

ఇక అందులోనూ అల్లు అర్జున్ అయితే మరీనూ.. తన కూతురితో తానున్న ఓ వీడియోను సినిమా అర్థశతదినోత్సవం సందర్భంగా షేర్ చేసిన బన్నీ.. తన కూతురిని ‘బే’ అని పిలిచారు. అది ఏదో మాటల్లో పెట్టి అన్నా.. చిన్నారి కూడా అంతే ముద్దులొలికే మాటలతో తండ్రిని బే అని పిలుస్తున్న ఈ వీడియో క్లైమాక్స్ కూడా అదిరింది. ఆ చిన్నారి ముద్దుముద్దుగా ‘బే’ అని పిలుస్తుంటే బన్నీ మురిసిపోయారు. ఈ వీడియోను బన్నీ ఇన్‌స్టా వేదికగా అభిమానులతో పంచుకున్నారు.

ఈ వీడియోను అల్లు అర్జున్‌ సోషల్ మీడియా వేదికగా అభిమానులతో పంచుకుంటూ.. ‘తనే నా బే.. ఫాదర్‌డాటర్‌లవ్‌, జస్ట్‌ ఫర్‌ ఫన్‌’ అని పేర్కొన్నారు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్ గా మారింది. ఇక అభిమానులు షేర్లు, కామెంట్లతో ఈ వీడియో నెట్టింట్లో ట్రెండింగ్ గా మారింది. ప్రస్తుతం బన్నీ.. సుకుమార్‌ డైరెక్షన్‌లో తెరకెక్కుతున్న ఓ సినిమాలో నటిస్తున్నారు. ఇందులో బన్నీకి జంటగా రష్మిక కనిపించనున్నారు.

 

 

 

View this post on Instagram

She’s my Bae ( Bey ) #fatherdaughterlove #justforfunn #alluarha

A post shared by Allu Arjun (@alluarjunonline) on Mar 1, 2020 at 8:46am PST