పవన్ కళ్యాణ్ కి హీరోయిన్ల సంకేతాలు

Posted: 01/07/2014 10:15 AM IST

హీరో పక్కన స్థానం ఖాళీగా ఉందని తెలిస్తే దాన్ని కొట్టేద్దామని పోటీపడే హీరోయిన్లు తమంతట తాము బయటపడకుండా జాగ్రత్తగా సంకేతాలు పంపిస్తారు.  కానీ పవన్ కళ్యాణ్ లాంటి పవర్ ఫుల్ స్టార్ పక్కనే ఖాళీ ఉంటే ఇక చెప్పేదేముంది.  బిడియం ముఖమాటాలను మూటగట్టి పక్కకి పెట్టేస్తారు.  డైరెక్ట్ కానే తమ మనసులో మాటను చెప్పేస్తారు. 

గబ్బర్ సింగ్ 2 మీద అందరికీ పెద్ద ఎత్తున అంచనాలున్నాయి- పవన్ కళ్యాణ్ కి కూడా.  పవన్ కళ్యాణ్ అభిమానులైతేనేం, సినీ ప్రేమికులైతేనేం యావత్ సినిమా పరిశ్రమే మొదలవని ఆ సినిమా కోసం ఎదురు చూస్తోంది.  జాప్యానికి కారణం హీరోయిన్ ఎంపిక కాకపోవటం.  అంటే హీరోయిన్ పోస్ట్ ఖాళీగా ఉంది.  అదీ, పవన్ కళ్యాణ్ ప్రతిష్టాత్మకంగా తీసుకుని నిర్మించనున్న గబ్బర్ సింగ్-2 లో. 

అనుష్క ఆ సినిమాలో చెయ్యటానికి తన ఉత్సుకతను స్పష్టంగా ప్రకటించింది.  అందుకు సమాధానం రాకపోయేసరికి మళ్ళీ కొందరు హీరోయిన్లకు ఆశలు చిగురించాయి.  అత్తారింటికి దారేది సినిమాలో పవన్ కళ్యాణ్ తో నటించిన ప్రణీత, ఎక్కువగా అవకాశాలు లేని ఆసిన్ ల గురించి ఊహాగానాలు వినిపించాయి.  అవేమీ జరగపోయేసరికి అత్తారింటికి దారేది విజయంలో పాలుపంచుకున్న సమంత కూడా తనవంతుగా పవన్ కళ్యాణ్ తో నటించటానికి తన ఇష్టాన్ని తెలియజేసింది.  ఆ సినిమాలో పవన్ కళ్యాణ్ తో తన అనుభవాలను మీడియా ముందు వివరించింది. 

పవన్ కళ్యాణ్ సహజంగా జీవిస్తూ కేవలం కెమేరా ముందు మాత్రం నటిస్తాడని చెప్తోంది సమంత.  పవన్ కళ్యాణ్ కళ్ళు చూస్తే చాలు ఆయన విశిష్టమైన నైజం తెలిసిపోతుందట.  అత్తారింటికి దారేది సినిమా పైరసీ పిశాచపు కోరల్లో ఇరుక్కున్న సమయంలో పవన్ కళ్యాణ్ చిత్ర బృందానికంతటికీ ధైర్యాన్నిచ్చిన తీరు శ్లాఘనీయమని అంటోంది సమంత. 

అదంతా నిజం కాదని అనటం లేదు.   హీరోయిన్ పోస్ట్ కి అప్లికేషన్ ఇవ్వటానికి నిర్దిష్టమైన ఫారం లేదు ఫిలప్ చెయ్యటానికి.  అందువలన ఎవరికి తోచిన విధంగా వాళ్ళు అప్రోచ్ అవుతారు. 

క్యారీ ఆన్ సమంతా!  మీ జోడీ చాలామందికి నచ్చింది కూడా! 

-శ్రీజ