ఫూటుగా తాగిన సంజయ్ దత్ ఎమ్ఎమ్ఎస్ సంచలనం

Posted: 04/18/2014 11:00 AM IST

మూడు నెలలుగా పెరోల్ లో జైలు నుంచి బయటకు వచ్చున్న హిందీ సిని హీరో సంజయ్ దత్ తన సినీ మిత్రులు, శ్రేయోభిలాషులను పిలిచి పార్టీ ఇచ్చారు.  

ఆ పార్టీలో బాగా తాగిన సంజయ్ దత్ గిటార్ పట్టుకుని వాయిస్తున్నట్లుగా ఒట్టి చేతుల్తో మైమ్ చేస్తూ అందరితో మాట్లాడుతున్న సన్నివేశాన్ని అక్కడున్నవాళ్ళెవరో వీడియా తీసి దాన్ని ఎమ్ఎమ్ఎస్ లో సర్క్యులేట్ చేసారు.  

సుప్రీం కోర్టు తీర్పుననుసరించి 1993లో ముంబై బ్లాస్ట్ కేసులో మారణాయుధాలను తనదగ్గర కలిగివున్న నేరంలో 42 నెలల జైలు శిక్షను అనుభవించటానికి 2013 లో మే 16 న టాడా కోర్టుకి లొంగిపోయిన సంజయ్ దత్ మూడు నెలలుగా పెరోల్ లో తనవాళ్ళతో కలిసివున్నారు.  

పెరోల్ కొనసాగింపు మీద ఇప్పటికే సామాన్య ప్రజానీకంలో సంచలనం సృష్టించిన సంజయ్ దత్ ఈ వీడియోతో ఇంకా అప్రతిష్టపాలయినట్లుగా భావిస్తున్నారు.  

పాపం సంజయ్ ఎప్పుడూ ఇంతే ఏదో ఒక కారణంగా అందరి నోళ్ళల్లో నలుగుతుంటాడు అని అతని సన్నిహితులు జాలిపడుతున్నారు.  

-శ్రీజ