స్పాట్ ఫిక్స్ చేసిన గబ్బర్ సింగ్... ఈసారి ఇంకా రచ్చ రచ్చే!

Posted: 06/18/2015 09:31 AM IST

పవర్ స్టార్ పవన్ కళ్యాణ్ నటించిన ‘గబ్బర్ సింగ్’ సినిమా గురించి ప్రత్యేకంగా చెప్పుకోనవసరం లేదు. అరే ఎందుకు చెప్పుకోకూడదు. పవన్ క్రేజ్ ను భారీగా పెంచేసిన ‘గబ్బర్ సింగ్’ సినిమా గురించి ఎంత చెప్పుకున్న కూడా తక్కువే. పవన్ కళ్యాణ్ ‘గబ్బర్ సింగ్’ విడుదలై భారీ రికార్డులను క్రియేట్ చేసింది.

ఇందులో స్పెషల్ గా పవన్ ఇంట్రడక్షన్ సాంగ్ గుర్తుందా? అదెనండి.. ‘దెఖో దెఖో గబ్బర్ సింగ్...’. ఆఆఆఆఆఆ... అదే పాట. అర్రే.. ఇప్పటికీ కూడా ఆ పాట వింటే జోష్ వచ్చేస్తోంది. ఈ పాటను చాలా స్టైలిష్ గా చిత్రీకరించారు. దేవిశ్రీప్రసాద్ అద్భుతమైన మ్యూజిక్ ను అందించాడు. అయితే ఈ పాటను గుజరాత్ లోని కచ్ ప్రాంతంలో చిత్రీకరించారు.

ఈ పాటకు మంచి మార్కులే పడ్డాయి. అయితే ప్రస్తుతం ‘గబ్బర్ సింగ్2’ చిత్రం తెరకెక్కుతున్న విషయం తెలిసిందే. బాబీ దర్శకత్వంలో తెరకెక్కుతున్న ఈ చిత్ర షూటింగ్ ఇటీవలే ప్రారంభమయ్యింది. మొదటి షెడ్యూల్ లో పవన్ కళ్యాణ్ పాల్గొనకుండానే పూర్తయ్యింది. మరికొద్ది రోజుల్లో రెండవ షెడ్యూల్ ప్రారంభం కానుంది. ఇందులో పవన్ కళ్యాణ్ పాల్గొననున్నాడు.

అయితే ఇందులో భాగంగా పవన్ ఇంట్రడక్షన్ సాంగ్ మరియు కొన్ని కీలక సన్నివేశాలను చిత్రీకరించనున్నారు. అయితే ఈ ఇంట్రడక్షన్ సాంగ్ ను గుజరాత్ లోని కచ్ ప్రాంతంలో చిత్రంలోనే చిత్రీకరించాలని పవన్ భావిస్తున్నాడట. ‘గబ్బర్ సింగ్’ టైటిల్ సాంగ్ అక్కడే షూట్ చేసారు. ఇపుడు ‘గబ్బర్ సింగ్2’ టైటిల్ సాంగ్ కూడా అక్కడే చిత్రీకరించాలని పవన్ భావిస్తున్నట్లుగా తెలిసింది. అయితే ఈ విషయంపై ఇంకా ఎలాంటి అధికారిక ప్రకటన విడుదల కాలేదు.

అలాగే ఈ చిత్ర ఫస్ట్ లుక్ పోస్టర్ ను అన్నయ్య చిరంజీవి పుట్టినరోజు సంధర్భంగా విడుదల చేయాలని పవన్ భావిస్తున్నట్లుగా తెలిసింది. త్వరలోనే అన్ని వివరాలు తెలియనున్నాయి. ఇందులో పవన్ సరసన అనీషా అంబ్రోస్ హీరోయిన్ గా నటిస్తుంది. త్వరలోనే ఈ చిత్ర షూటింగ్ పూర్తి చేసి, దసరా కానుకగా ఈ చిత్రాన్ని ప్రేక్షకుల ముందుకు తీసుకురానున్నారు.