యంగ్ టైగర్ కత్తి రీమేక్ చేయట్లేదట!

Posted: 08/06/2015 10:50 AM IST

ఇలయథలపతి విజయ్, సమంత నటించిన తమిళ ‘కత్తి’ చిత్రాన్ని తెలుగులోకి రీమేక్ చేయబోతున్నారని గతకొద్ది రోజులుగా వార్తలొస్తున్నాయి. అయితే ఈ రీమేక్ లో ముందుగా పవన్ కళ్యాణ్ నటించనున్నాడని వార్తలొచ్చాయి. అయితే పవన్ ఈ రీమేక్ కు నో చెప్పడంతో మరికొంతమంది స్టార్ హీరోల పేర్లు వినిపించాయి.

కానీ వారు కూడా ఈ రీమేక్ పై ఆసక్తి లేకపోవడంతో ఈ వార్తలకు బ్రేక్ పడింది. అయితే తాజాగా ఈ రీమేక్ లో యంగ్ టైగర్ ఎన్టీఆర్ నటించబోతున్నాడంటూ వార్తలొచ్చాయి. ఈ రీమేక్ కు ప్రముఖ దర్శకుడు గోపిచంద్ మలినేని దర్శకత్వం వహించనున్నాడని గతకొద్ది రోజులుగా వార్తలొస్తున్నాయి. అయితే ఈ వార్తలకు ఎన్టీఆర్ సన్నిహితులు బ్రేక్ వేసారు.

ఎన్టీఆర్ సన్నిహితులు చెప్పిన తాజా సమాచారం ప్రకారం.. ‘కత్తి’ రీమేక్ లో ఎన్టీఆర్ నటించడం లేదని, అసలు ఈ రీమేక్ పై ఎన్టీఆర్ కు ఆసక్తి లేదని వారు తేల్చేసారు. మరి ఎన్టీఆర్ ఈ ప్రాజెక్టులో నటిస్తాడో లేదో త్వరలోనే తెలియనుంది. ప్రస్తుతం సుకుమార్ దర్శకత్వంలో తెరకెక్కుతున్న చిత్రంలో ఎన్టీఆర్ బిజీగా వున్నాడు. త్వరలోనే ఈ చిత్రం ప్రేక్షకుల ముందుకు రానుంది.