Posted: 01/07/2013 06:46 PM IST

      కాంమాంధుల కబంధహస్తాల్లో చిత్రహింసలనుభవించి..  13 రోజులు మృత్యువుతో పోరాడి.. ధీరురాలిగా ఘనతకెక్కి సమాజానికో సందేశాన్నిచ్చి వెళ్లిన ఆ బిడ్డ ఫొటో, పేరు ఎట్టకేలకు బయటకు వచ్చాయి. నిర్భయ తండ్రి బద్రీసింగ్ పాండే తన స్వగ్రామం బలియాలో అంతర్జాతీయ పత్రిక డెయిలీ మిర్రర్‌ సన్‌ డే ఎడిషన్‌కు ఇంటర్వ్యూ ఇచ్చిన సందర్భంలో ఈ వివరాలు వెల్లడించారు. ఆ ఇంటర్వ్యూలోనే తన కూతురి పేరు వెల్లడించారు. ‘నిర్భయ అసలు పేరు జ్యోతిసింగ్ పాండే. నా కూతురు జ్యోతి ఏ తప్పు చేయలేదు. అత్యాచార నిరోధక చట్టానికి తన కూతురు పెడితే సంతోషమే. ప్రపంచానికి జ్యోతి పేరు తెలియాలి’ అని చెప్పారు.

       కాగా, బద్రీసింగ్ పాండే ఢిల్లీ ఎయిర్‌పోర్టులో ట్రాన్స్‌పోర్టు లోడర్‌గా పని చేస్తున్నారు. తన కూతరు స్నేహితుడు అవీంద్ర గొప్ప ధైర్యవంతుడని, అతని సాహసాన్ని నా కూతురు మెచ్చుకుందన్నారు. జ్యోతికి ప్రమాదం జరిగిందని మాత్రమే పోలీసులు మొదట తనకు చెప్పారని, ఆస్పత్రికి వెళ్లే సరికి తను స్పృహలో లేదన్నారు. మొదటి పది రోజుల్లో బతుకుతానన్న నమ్మకం తన కూతురిలో కనిపించదని, పరిస్థితి విషమించడంతో చిన్నప్రేగు తొలగించారు అని ఆవేదన వ్యక్తం చేశారు.  తాను ఏమి చెప్పదలుచుకుందో అవి వ్రాతల ద్వారా కొంతవరకూ జ్యోతి తెలియచేసిందని వెల్లడించారు. తనకూతురు లేని లోటు తమ కుటుంభానికి తీరని వెళితి అని ఆయన విచారవదనంతో వెల్లడించారు. తన కూతురికి పట్టిన దుస్థితి భారతదేశంలోనే కాదు ప్రపంచంలో మరెక్కడా పునరావ్రుతం కారాదని, ప్రతీ చోటా యువత తమ ఆలోచనా విధానాన్ని మార్చుకోవాలని ఆయన సూచించారు.

         అయితే.. తనకూతురి ఫొటోను మాత్రం ప్రచురించవద్దని బద్రీసింగ్ కోరారు. అందుకనే ఇక్కడ ఆమె ఫొటో పబ్లిష్ చేయటంలేదు.

...avnk