Posted: 03/01/2013 04:30 PM IST

శనివారంనాడు ఉప్పల్‌లోని రాజీవ్‌గాంధీ ఇంటర్నేషనల్‌ క్రికెట్‌ స్టేడియంలో ఆరంభమవుతున్న రెండో క్రికె ట్‌ టెస్ట్‌లో విజయమే లక్ష్యంగా తమ శక్తివంచన లేకుండా ఆడతా మని ఆస్ట్రేలియా బ్యాట్స్‌మన్‌ షేన్‌వాట్సన్‌ తెలిపాడు. కంగారూల జట్టు మూడు గంటలకు పైగా ఉప్పల్‌ నెట్స్‌లో సుదీర్ఘంగా ప్రాక్టీస్‌ చేసింది. ఆ తర్వాత వాట్సన్‌ మాట్లాడుతూ ఆస్ట్రేలియా బ్రాండ్‌ క్రికెట్‌ దూకుడుగా ఆడడమే నని, దాన్ని ఇకనుంచి తమ ఆటగాళ్లంతా అనుసరించేందుకు ప్రయత్నిస్తారన్న విశ్వాసాన్ని వ్యక్తం చేశాడు. చెనై్నలో జరిగిన తొలి టెస్ట్‌ను కోల్పోయిన ఆస్ట్రేలియా నాలుగు టెస్ట్‌ల సీరీస్‌లో 1-0 తేడాతో వెనుకబడిన విషయం తెలిసిందే. ఈ టెస్ట్‌ను మేం గెలుచుకోవాలి. అందులో ఎలాంటి సందే హం లేదు. అందువల్ల మా ప్రతిభా సంపత్తి మేర ఆడి ఇండియా ను ఓడించేందుకు ప్రయత్నిస్తాం అని అన్నాడు. ఒకప్పుడు ప్రపం చంలో అత్యుత్తమ జట్టుగా ఉన్న ఆస్ట్రేలియా ఇటీవల కాలంలో కొంత వెనుకబడినప్పటికీ.. మా దూకుడు క్రికెట్‌ను మళ్లీ ఇప్పుడు ఆడాల్సి ఉందన్నాడు. చెనై్నలో ఇండియా  గెలుపు తర్వాత మేం వారినుంచి ఎంతో నేర్చుకున్నామని వాట్సన్‌ వివరించాడు. ఓపెనర్‌గా తాను ఇంతకు ముందు వరకు ఎంజాయ్‌ చేశానని, కాని ప్రస్తు తం నాలుగో బ్యాట్స్‌మన్‌ రోల్‌ కూడా సంతోషంగానే ఉందని వాట్సన్‌ వివరించాడు. కాగా చెనై్న టెస్ట్‌లో భారత కెప్టెన్‌ మహేంద్ర సింగ్‌ ధోనీ ఎదురుదాడికి దిగి పరుగులు కొల్లగొట్టడం వల్లనే మ్యాచ్‌ తమ చేతిలోంచి చేజారిపోయిందన్నాడు. ఫిట్‌నెస్‌ సమస్య వల్ల బౌలింగ్‌కు దిగలేకపోతున్నానన్న వాట్సన్‌ ఇకనుంచి దానిపై కూడా దృష్టి పెడతానని తెలిపాడు. మరో మూడు నెలల్లో తిరిగి బౌలింగ్‌కు దిగుతానని ఈ డాషింగ్‌ ఆల్‌రౌండర్‌ స్పష్టం చేశాడు.