చెన్నై సూపరో సూపర్

Posted: 05/01/2013 01:04 PM IST

గత మ్యాచ్ లో తన సొంత మైదానంలో పూణె జట్టు పై ఓడిపోయిన చెన్నై నిన్న రాత్రి జరిగిన మ్యాచ్ లో గెలిచి ప్రతీకారం తీర్చుకుంది. గత ఓటమి నుండి గుణపాఠం నేర్చుకున్న చెన్నై సమిష్టిగా రాణించి 37 పరుగుల భారీ తేడాతో గెలిచి పాయింట్ల పట్టికలో అగ్రస్థానంలో నిలటమే కాకుండా, వరుసగా ఆరు మ్యాచ్ ల్లో గెలిచి డబల్ హ్యాట్రిక్ సాధించింది. తొలు బ్యాటింగ్ కి దిగిన చెన్నై జట్టు నిర్ణీత 20 ఓవర్లలో 164 పరుగులు చేసింది. ఓపెనర్లు ఆరంభంలో తడబడ్డారు. హస్సీ (5), సాహా (13)ల వికెట్లను కోల్పోయింది. అయితే ఫస్ట్‌డౌన్‌లో బ్యాటింగ్‌కు వచ్చిన రైనా బదిరినాథ్‌ (34) సహకారంతో అజేయంగా అర్థశతకం పూర్తి చేసి, (63) పరుగులతో అజేయంగా నిలిచాడు. కెప్టెన్ ధోని చివరి ఓవర్లలో ప్రత్యర్థులకు చుక్కలు చూపించాడు. కేవలం 16 బంతుల్లో 4 ఫోర్లు, 3 సిక్స్‌ల సాయంతో 45 పరుగులు చేసి భారీ స్కోరుకు పునాదులు వేశాడు.

అనంతరం లక్ష్యాన్ని ఛేదించడానికి బరిలోకి దిగిన పుణె టాప్‌ ఆర్డర్‌ వికెట్లను టప టప కోల్పోయింది. మిడిలార్డర్‌లో స్మిత్‌ (35)కు తోడు టైలేండర్లు రిచర్డ్‌ సన్‌ (26), భువనేశ్వర్‌ (24 నాటౌట్‌)ల మెరుపు ఇన్నింగ్స్‌ తోడవ్వడంతో పుణె నిర్ణీత 20 ఓవర్లలో 9 వికెట్ల నష్టానికి 127 పరుగులు మాత్రమే చేసి ఓటమి పాలైయింది. మ్యాచ్ ఆఫ్ ది మ్యాచ్ ధోనికి లభించింది.