జట్టు నుండి పంపించేస్తాం

Posted: 06/08/2013 01:52 PM IST

ఐపీఎల్ స్పాట్ ఫిక్సింగ్ లో రాజస్థాన్ రాయల్స్ సహ యాజమాని అయిన రాజ్ కుంద్రా ఫిక్సింగ్ కు పాల్పడినట్లు ఒప్పుకున్నాడని ఢిల్లీ పోలీసులు చెప్పిన విషయం తెలిసిందే. అయితే ఈ ఆరోపణలు వస్తే ఫ్రాంఛైజీని రద్దు చేసే అవకాశం ఉండటంతో ఆ జట్టు మిగతా యాజమాజనులు తెలిగా ఓ ప్రకటన చేశారు. రాజ్ కుంద్రా దోషిగా తేలితే అతనిని సస్పెండ్ చేస్తామని, అతడికి జట్టులో వాటా 11.7 శాతం మాత్రమే ఉందని, ఫ్రాంఛైజీ నిర్వహణలో అతని పాత్ర ఏమీ లేదని, ఒకవేళ కుంద్రా పై ఆరోపణలు రుజువైతే అతడు తన వాటాను వదులుకోవాల్సి వస్తుందని, రాజస్థాన్ ఏ మాత్రం అవినీతిని సహించదని చెప్పింది. అయితే గతంలో చెన్నై జట్టు యాజమాని అయిన గురునాథన్ పై కూడా ఇలాంటి ఆరోపణలు రావడంతో ఆ జట్టు కూడా గురునాథన్ కు ఎలాంటి సంబంధం లేదని చెప్పింది. అయితే క్రికెట్ విశ్లేషకుల మాట ప్రకారం రాజస్థాన్ జట్టు రద్దు కాకుడనే ఉద్దేశ్యంతో ఇలాంటి ప్రకటన చేసిందని అంటున్నారు. ఒకవేళ  గనుక ఈ రెండు జట్ల పై ఆరోపణలు నిజమైతే ఈ రెండు జట్లు రద్దవుతాయి.