ఫిబ్రవరిలో యువీ- కీచ్: పెళ్లికి ముహూర్తం

Posted: 11/13/2015 05:46 PM IST

టీమిండియా క్రికెటర్, 2011 క్రికెట్ ప్రపంచ కప్ హీరో యువరాజ్ సింగ్ త్వరలోనే ఇంటివాడు కాబోతున్నాడు. గత మూడేళ్లుగా ఎవరికీ తెలియకుండా గోప్యంగా ఆయన నడుపుతున్న ప్రేమాయణం కాస్తా.. బయటకు పోక్కడంతో.. యూవీ ఏకంగా పెద్దలు నిర్ణయించిన సుమూర్తాన తన ప్రేయసి మెడలో తాళి కట్టేందుకు సిద్దమయ్యాడు. అయితే ఆ కళ్యాణ గడియలు ఎప్పుడెప్పుడా అని గత రెండు రోజులుగా తీవ్ర ఉత్కంఠతతో ఎదురుచూస్తున్న అభిమానులకు మాత్రం ఆయన చేదువార్తనే చెబుతున్నారు.

వచ్చే ఏడాది ఫ్రిబవరి మాసంలో ఆయన తన ప్రేయసి, బ్రీటీష్ మోడల్, సటి హజెల్ కీచ్ తో ఏడడుగులు నడిచేందుకు రెడీ అవుతున్నారు. దీపావళి పర్వదినాన తన గర్ల్ ఫ్రెండ్ కీచ్ తో ఎంగేజ్ మెంట్ కూడా చేసుకున్న  యువరాజ్ . అమెను పరిణయమాడేందుకు రెడీ అవుతున్నారు. అది కూడా అక్కడ బ్రిటెన్ లోనో.. ఇక్కడ ఇండియాలోనే కాకుండా ఇండోనేషియా ద్వాపాల రాజధాని బాలీని వేదికగా చేసుకోవడంతో.. కనీసం వివాహమైనా భారత్ లో చేసుకుంటారా..? అన్న సందేహాలు అభిమానుల నుంచి వ్యక్తవవుతున్నాయి

జి. మనోహర్